” Hpang Hkai, Wurgang Shigung Vjúrøt Bóy “
Putao Jau Gwørwang, Hpang Hkai mvring taq vl St. Anthony Wurgang shigung vjúrøt bóy svng jau gwørwang zidvng ku (2026)nøng taq wàlvm rvt, vlē a:mì we (2025)nøng nønggøm lìpong me taq kaciq rvt shì bø’ì. Wè dø tiqdvchá dèni (14 September 2026)ni Vsháng 9:00 am kèní dørøm (1:00 pm) rvtø taq Hpang Hkai, Kristu Wurgang shigung svng ngvng nø vjúrøt we tvyø svng dvnùng nø pv’ngshì bø’ì. Yalòng Kristu Wurgang shigung vjúrøt bóy svng Gwørwang øp Shvrúngshú pè Fr. John Npawp Byin Tu Awng taqkèní shøl nø, Missa Kàgvp nóng we í, Kristuò Lvmik gømlā jèjú ìshøt rì svng dvtit tvle nø Pvlàcè kvmnønt nònggùn kūnga zi we wáshì bø’ì. Yalòng Wurgang shigung vjúrøt bóy taq mvring v-rvm yv’ngkèní shvngømré rvzvngcerì, Svra, Pongdō rì mvmè kømngøm nø wáshì bø’ì tvrà shálúnshìe.
See less
