Ngv̀nshà rì kaq shóngshì rà we

Shvngbe mvdvm Vkangpè Gvray mongzøl lòng laqtuqdaq!
Shóngshø’ng we pèmè vnvmchvngmaq Dèni September shvlá (10)ni svng gòng bø’shà.

Dèni tashì nø nònggùn lùshì lvm Gvray móngkà nø Lk 6:27-38 vdòng taqkèní íē. Mongkà 1,2 ciq vzvng rø shì lvm wàì.

27 Inìgø Ngà kà ètánøng rì namaq svng Ngàí v̄la:tnìni, namaq nvng ngv̀nshà í rì svng èshóngshinø̀ng. Namaq svng shvngōshì rì kaq nø shvlā we èwáānøng. p 28 Namaq kaq shèyǿm mètv́nvtnøng rì svng shvmán dègǿngānøng. Namaq svng mèyv̄mkévtnø̀ng rì dvpvt vjú èrøtnanøng. 29 Nà mvwā tiq pa napaqvt gǿ svng nø wápā gø shènáshi. Nà belaq mvdv̀m dùng ètølvm bø gǿ svng nø vdòng dùng gø màzí mèwāni. 30 Nà svng røt ra we kagǿ svng gø èzíò. Nà dvzøm dvrèrì èlv́ngāvm bø gǿ kèní gø mègùnni. 31 Vsa:ngí namaq svng kadø lvwáa rā dø èshòngnøng nìnø, namaqí gø wedø tiqdvchá angmaq svng èwáānøng, wā dvkv’mè.

Vpø’ íwe pèmè vnvmchvngmaq,
Dènio Gvray dvbùshang Mongkà taq nø, ngv’nshà rì kaq svng shóngshì rà dang Kristu í ègō íe. Kristuò shvl lvwur íwe ထူးခြား we ဆင်ခေါ်မှု gømlā svng yv’nglúnshìe. Angdè kaq Vjú zílún gø’ kaq shóngshì lvm, Vroqā lvm lòng gvzà yorè. Íni gø vkvtdø wáshì we taq shvmán vjú mvlúnshì wàe. Angdèo ngv’nshà gø’, mèshóng mèwámshì gø’, Vroqā lvm gvzà rvzaq gø’, mènatōò gø’, Nønt mvsøn laqyà màbóng rì svng shóngshì lvm, Vroqā lvm rvt Vkangpè Yesuí Kristu í vkvtdø ègō íē. Tiqdvng vsvngrì shvngbe mvdvmø rvweng we mà-vl nøngnøng vrá shóngshì lvm mvdøng mvdaq shèdø’mìe. Vkvtdø wáshì we taq Gvray gvsangò Shvmán jèjú ìshøt ígvn luqpøngè. Vháng vtv’ng Vpè Gvray gvsangò angcø angcè wáshì lúnè, wā shvngøt dètú íe.

Vrá nø, Cvndvgøm we taq gvzà rvzaq rvt vtoshì lún we Shvmán Jèjú ìshøt rì gø gvzà luqpøngè, te è. Wervt Vpø’ íwe pèmè vnvmchvngmaq, Kristuò angcø angcèrì Jø’ngkvp wáshì lúnlvm dvpvt vpnóng tvleshì, ngv’nshà rì kaq svng shóngshì we taq dvzaq dvkvngshì laqlúnì! wvng dvshat nø nònggùn zí mvyøngè. shvngbe svng oqā.