Wur dvsiq vsvng dvbā:nò we Kristu vdòng taq Vpø' íwe pèmè vnvmchvngmaq, Shvngbe svng pamvra wànge. Deni nø (Sep-7-26) ni svng gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø Deni mòngkà taq wur dvsiq vsvng dvbànò we svng yvnglúnshìe. Narni taq Yesuí zarì dvbānò rvt Ang svng dvjà:mòe. Yesuí rá angmaq svng “Namaq svng Ngàí tiq kà røtna:tnìni; Narni taq nø, bv̀nlì shvlá wàlv́m, mø̀íni bv̀nlì mvgv́m wàlv́m; gø̀nshaq shvlutlv́m, mø̀íni gø̀nshaq shvmv́nglv́m; kapv̀n wàlv́m dvráe ma?” a:lòe. Shvngømré dvrá cvn we shvlae. We mvdvmø shóngnøt nvng sing nø té dvzaqshìlvm shvdúm dvshvt we íe. (Sep-8-26) Mati 1: 1-16, 18-23, Yesu gà:lò we Shvngbe svng pamvra wànge. Deni nø (Sep-8-26) ni svng gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø Deni mòngkà taq Kàngpè Yesu gà:lò we dang nø yadø íe. Abraham dvciq kèní Dawi dvciq høq shvngbe nø tiqcé vbì dvciq í yà:ngì. Vrá, Dawi dvciq kèní Babelon móng svng vgùngv́m yà:ngà dvciq høq tiqcé vbì dvciq í yà:ngì. Babelon svng vgùngv́m yà:ngà yv́ng kèní Kristu dvciq høq gø tiqcé vbì dvciq í yà:ngì. Yadø dvciq gùnò dang nø Gvray dvkvmkà svng shvdiq døng we dvciq íwe svng dvshvt we íe. Vkàngpè Ang dvzv́r tiq gøí Yosep svng dvtáò yvngkení Mari góng taq cv̀mré ríò lòng nø, Shànshér Pvlàcè taqkèní íe. A:ngí nø angcè tiq pè gv̀l daqòe. Ang bø̀ng nø nàí Yesu, wa tǿ ràe. Kadø íe wani Ang dvcì cèrì svng angmaq mvrà kèní chutchv́nglv́m pè nø Ang íe,” a:lòe. Yarì shvngbe nø, kv'mnøntní Vkàngpèí kàdvtutshú pè taqkèní shø̀n yà:ngà kà dvhø̄:mò we dang svng dvdvmlvm shvdúm dvshvt we íe.

Wur dvsiq vsvng dvbā:nò we

Kristu vdòng taq Vpø’ íwe pèmè vnvmchvngmaq, Shvngbe svng pamvra wànge. Deni nø (Sep-7-26) ni svng gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø Luka 6:6-11

Deni mòngkà taq wur dvsiq vsvng dvbànò we svng yvnglúnshìe. Narni taq Yesuí zarì dvbānò rvt Ang svng dvjà:mòe. Yesuí rá angmaq svng “Namaq svng Ngàí tiq kà røtna:tnìni; Narni taq nø, bv̀nlì shvlá wàlv́m, mø̀íni bv̀nlì mvgv́m wàlv́m; gø̀nshaq shvlutlv́m, mø̀íni gø̀nshaq shvmv́nglv́m; kapv̀n wàlv́m dvráe ma?” a:lòe. Shvngømré dvrá cvn we shvlae. We mvdvmø shóngnøt nvng sing nø té dvzaqshìlvm shvdúm dvshvt we íe.

Related Posts

Leave a Reply

Your email address will not be published. Required fields are marked *