Jò We Dvrá kaq svng Shǿn Shá we Cvmré LaqÍSha

Mvdøng Mongkà ciq nø
(Epesu 4 : 25 )Wervtnø̀, namaq kagǿí gø vyàlòng zør èchutnø̀ng nø, rv̀mnvng svng kàdøng wa èshø̀nnøng. Pàwálv́m wani nøngmaq shvngbe nø tiq góng taqò dvgv̀ngrì wa íshàe.

Cvmrérìé, Gvrayí nø jò we dvrá kaq svng shóng shie.Jò dø shøn sháò we nø Angpe Angme, Svra nvng lamboq rì dvpvt kvm vrvme. Tiq kvt kvt mvjò dø wá vlé bøò dvgvp mvrà zí ra lòng svng svre nø,vyà we Kà shøn mvyø nøt vlsháòe. Inigø,vyàkà shøn long nø bānchvt té wa bønsháòe. Jò lòng svng jò dø shøn sháò we lòng nø Gvray Gvsvng gø dvbù sóri vsvng rìígø gvzà vlømá:mòe.

Yesuí nø jò we dvrá kaq svng nvn nvn shø:noe. Jò we dvrá dø , gønshaq cúnshi lvm shvngøt dvtúe. Wervt nøngmaq gø kadø iwe dvjà taq gø , jò we lòng kaq wa shøn sháò we Cvmrérì í rà we íe.
(Mati 5:37) Iwe, nà nø, ‘Í lòng nø íe; mø̀í lòng nø, mø̀í,’ wa mv̀ng shǿn ràe. Yakà ní mvdv̀m mvzv́n èshø̀:nò we kapà ínìgø, mvgv̄m vnaq pè kèní būng we íe.

Pope Leo 14 í gø, Cvmrérì kaq svng, jò we dvrá taq dí sháshì nø, døngman we nøt taq kení cún shì lvm dvshat ya:ngà we íe. Jò we dvrá kaq shøn sháò we nø ,shvla we laqyà í we mvdvm, Gvray kaq shóng shi we lòng kaq dvtan we mvtú tiqlong go íe.
Cvnshilvm dvng ri
(1) Mvjò lòng wá nàlé bøò nì nø, chàng mvrà nàcháng shì.
(2) Vyà Kà Shøn lvm lòng svng nàyáshì, mèshønni, è ngweò.
(3) Kagø í gø mvyà:ngo we rvtø taq ínìgø, jò we dvrá kaq svng rècvngshi.