Tiløp kv́m dvshér shi mèpvng mvrà vlé ò we dang

Nvm lat rvcv́ng cè rì nø vkang pè svng vtō ò kè shvwiī nvng vshā vní lònglòng vtō shi ya:ngà. za we ri svrǿng nø shvrúng núng pà taq dvpá shi mvlún ò ri dvpvt coqcv́n rì í vkangpè kaq svng shøl ya:ngà. Rvcv́ngcè rì vdè nø vdè chø̀m taq vkangpè svng gv́l lún shi ya:ngì. zaq lè wàng tvrà taq gø Vkàng pè nvng tiq dø vbá shi nø dí lún shi ya:ng ì.

Lvmā lā rvcv́ngce tiqgǿ gǿ í tē mvrà wä vlé bø ò kvt nø dv́ng gǿ gwà shi sórí (Catechums) wá we Tiløp mvkvm shi rì nvng tiqdø v́l rà ya:ngì. Angò mvrà vnàng we rvtø høq at ā dvgvp (Bishop) í nø mv̄ng pòng (shì wà mv́r dv̀ng )rvwè taq ang mvrà shvlā:ngà ò nø shvmán kà zí oe. Nvm lat rvcv́ngcè rì nø rvcv́ngcè í á:m kvt nø, JeJú ang dvjà vdòng taq v́l rà e. We dø JeJú vdòng taq mv-vl nø té wa mvrà lv- vl kvt nø rvcv́ng cè tiq gǿ wa nø gō mvging wá nø vtō òe. Lvmā lā nøngmaq dvpvt we lòng laq ya nø yakngè wa nø dvdā:mì kvt nø nøng maq nø mvrà kaq svng svrè lv́m shá nøt vmá:ng ìrvt íe.

Cv̀m we noqngøm chyøm rì taq (3)ni nvng (5) ni svng cā ò we angni rì wa nø dvdutnò dáng í dø rø̀m(3)nari høq mà v́m vnat shì we í vjú røt shi ya:ngì. We rvtø taq angmaq nø mòngkà svng tá shi sórí vjú røt shi yvngí. (Easter)Zunbóy shvlá dv̀ng wa wá lún lv́m rvt angmaq nø vsvng kaq vní ní v́mpà màv́m vnvt shi nø vjú røt shi ya:ngì.Me pv̄ng nø màv́m vnvt shi lv́m rvtø rì svng dvdū ò nø màv́m vnvt shi nø vjú røt shi we rvtø té luq ya:ngì.(3)mvzuq rvwè ram taq vnat shi we lv́ngchā svng(40)ni døp dvdū ya:ngà.