Noqngø̀m tvram nø kv́mnøt, àngnvm àngchvng shóngnøt nvng mòngzø̀l tvrà rì shvngbe svng nònggwòn zílv́m dvpvt íràwe
Pope LeoXIV nø Italy móng Catania myuq taq August 24 ni kèní 27 høq wáshì bǿì we 76 boq waboq National Liturgical Week taq kø̀mngǿm ráì we shìwà vsvngrì kaq dvtú mòngkà taqkèní noqngø̀m tvrà svng vrá dvcøp shvnvp shìlv́m dang dvtú bǿà we íe.
Christian Initiation ò kà vgo taq ya vbatò mvril kaq svng kámnøt tvrà taq dvcøp shvnvpā we noqngø̀m tvrà svng vrá shvngv́ngā lv́m wawe kà vgo kèní mvngushì bǿì we íe.
Gvrayò pv́nmv́n we tvrà nvng noqngø̀m we kámnøt tvrà taq shò shò wa dvzaqshì lv́m we kámnøt tvrà nø Gvray yv́ng kèní jejú ìshøt lúnlv́m tvrà svng tvnúngā we dvzà tiqlòng íwe dang dvtú bǿà we ie.
Vránø Catholic shvngø̀mré kèní shvngøt dvtú we noqngø̀m vtóng dvrá rì svng gø shvng shvngwa síngshá nø cv́n dvgøm lv́m dang gø dvkám bǿà we íe. Wedø kámnøt tvrà, noqngø̀m tóng dvrárì taqkèní wani chutcháng tvrà, Gvray yv́ng svng tvpní shìwe tvrà rì svng tuqyùl we íe wawe dang kèní dvtú bǿà we íe.
