Zilangrérì nang svngpvn dvsháza bvnli
Zilangrérì nø Gvray í zìwe nonggùn , rvtø nvng zitnøt rì í wāònø tiqdvng vsvng kaq svng gø dvbvng shì we bvngli taq gø vbá ra e.Shansher karu taq shòn dø vdè góng svng èshóngshi dø,nà tiqdvng vsvng kaq gø shóngshìrà nø dvshà vsvng ri svng gø dvbvng shì wenø Gvrayò shóngnøt svng dvtān nò we íe.
Vchvkwe cvnshilvm dang rì,
(1) Shóngnøt ní dèabvng shi,(Marko 12;31)
Nà vdè gòng svng èshóngshi dø,na tiqdvng vsvng kaq shóngshi ràe.
(2) Tiqdvng vsvng dvpvt nøt na ràe.(Pilipi 2;4)
Namaq gø vrvm vdè dvpvt nøtshi we wa møi dø, dvgárì dvpvt gø nøtnà ràe.
(3) Shala we bvngli svng mvtí:nshaq è wàō.(Galatia 5:6) Kadø íe wani akvt Kristu Yesu vdòngtaq nø rvmøl vtóng cà:nò nigø, mvcà:nò nìgø,pà gø møí;shóngnøt taq kèní dvta:nò we kvmnøt wa mvdøng íe.
(4) Zilangrírè nø shvbóng shvmvtshi ra shalá íràe.(1.Timoti 4:12)Wedø èwáshinøng kvtnø manaqshi rìí gø namaq svng nàpøvtnøng nø, namaq èrànøng dvngte ègø èkom bøsha rot kagø svng gø dvshá Lu mvrà mv we íe.
Zilvngrérì nø Gvrayò shóngnøt svng tiqdang vsvng kaq svng gø dvtan lvm vchvkwe íe . Tiqdang vsvng kaq dvbang shi we bvngli rí taq gø dvbang shì sorí vsvngrì svng dvbang shi lun dø vdè o palacè dang gø nang døng dø cunshi lun:nìe.
Júrøt Ka….O nvngmaq Gvray e, nvngmaq zilangrírè svng tiqdang vsvng kaq shóngnøt ni dvbang lún lvm nøt mvsøn è zí taq sha. Gvrayò shóngnøt svng tiqdang vsvng kaq dvbang shi lvm bvngli rì wá lún lvm eshøt egvn gø e zí daq shà waìnø Kristy bong taq kení rot nin sha íè.Amen…
