Farisirìí Dvrá lòng dang Yesu vlø:tnò we (Mati 22:34-40)

Yesuí Sadukirì svng dvrā dv́ngke bǿà we svng Farisirìí tá bǿà kvt, angmaq gø dvkǿmshì ráì nø, angmaq taqkèní dvrá kàciq vrálshú tiq pèí Yesu svng vlø:tnò sórí yadø rø:tnòe. “Svra pèá, Dvrá lòng taq rīng vtv̄ng we dvkv́mkà nø kàciq í ma?” a:lòe. A:ngí wepè svng, “‘Nà nø nà tiqnøt shvngbeí gø, nà dòngnøt mvsø̀n shvngbeí gø, nà shánøt dvdvmnøt shvngbeí gø, Vkàngpè nà Gvray kaq shóngshì ràe,’ wa shø̀n yà:ngà.

Shóngnønt we pèmè vnvmchvngmaq, Gvray gvsangò dvkv’m Kà rì taq shóngnønt Dvrá nø ring vtv’ng vpø’ vtv’ng nvng Nvmlat mvpvng cvndvgøm ra dvla í lòng svng Vkangpè Yesu Kristu í vkvtdø shvngøt dvtú taqsórí dvkv’mè nø shø’nè.

Shóngnønt ( love ) wàwe Kàru tiq chang í nø, ídv’ngte shvngbe svng gòng dvzvrè. Mongkà taq, Shánøt dvdvmnøt shvngbeí gø, Vkangpè nà Gvray kaq shóngshì rà dø èshóngshì nø, Angò angcø angcèrì shvngbe svng gø tā rá èshóngshì nìnø, ngv’mshì we dvkv’m Kà rì shvngbe nø yalòng taqø lúm lungè, vbá è, wàe.

Shóngnønt Dvrá ínø Tiqdvng vsvngrì kaq svng shvla lòng dvtan lún we, Tvrà dvtú lún we, Vroqā lún we, cíngà lún we vl nø shóngnønt Dvrá nø mvdøng angké í lòng svng shálúnshìe. Shèdø’mì we móngkà íe.
Mongkà ètashìnøng we Shvngbeí Gvray mongzøl lòng vtoshì laqlúnì.