Zvmì shvzø̄ng bóy kàshvbóng
(Mati 22:1-14)
Yesu tv́ngshì nø angmaq svng vrá tiq kvt kàshvbóng shø̀:nò sórí yadø a:lòe. “Muqlàng móngdàn nø, koqkv́m tiq pèí angcè pè dvpvt zvmì shvzøngbóy tiq lòng dvgø̀ò we nvng vbónge. Zvmì shvzøngbóy svng vgoshaq rì angmaq svng go nvng ang vshuqrì svng dvzv́r bǿà nìgø, vgoshaqrì nø dí mvtá. Koqkv́m pèí vshuq dvgá tiq mvdò dvzá:rò nø, ‘Vgoshaq rì svng namaqí yadø èv̄lnøng; “Ngà bóy v́mpà nø dvgǿ vdv́ngá:mì. Ngà nungwàrì gø, dvtøqshaq nìnà rì gø vshvtshaq, pv̀n vrv̀m tvlú dvgǿshaq íá:mì. Zvmì shvzøngbóy svng èlúm ránøng,” èvl bǿnøng,’ a:lòe.
Kristu vdòng taq Vpø’ íwe vnvmchvngmaq, Gvray gvsang ínø vlún vkvng rì svng zi nø Angò vmjàmp kaq svng go we íni gø, Nøngmaq nø lvpatnò mvnggá rì màdá, Dìngman we tvrà svng màláshaq dvdáshàìe, dvtiqshàì lòngo mvdøng angké nø, Gvray gvsangí go lòng svng màtōì, mvtáì rvt, mà ì rvt íe.
Nøngmaq nø, vsvng lvpatnò mvhøtlvm rì, yvklvm rì, vlishì we døngja rì í shvnip shvnar lòng vhø’mì taqsórí Gvray gvsangí nøngmaq kaq svng go we Pvlàcè nònggùn kūnga lún dvzvr we vm bóy, Vkangpè Yesuò Kàgvp Missa nóng we Noqngøm rvtø svng mà pø’ì, mà shvring ì nø v-lie. Vkvtdø íwe àng dvjarì, laqyà rì pv’n vshat tvlíngshì lúnlvm dvpvt Kvmnøntní Gvray kaq Jèjú ìshøt ígvn rì svng røtním tvleshì laqlúnì.
