Shvngømré shøl shú rì ang dv tvngtvng øp we dang

Chùt cháng angkang Yesu Kristù nød vzv́r pela kaq svng St.Petèr í øpmò we lvng pvng taq vl so:rí shvngøm ré svng shøl dvzvr ya:ngà. St.Petèr svng vtō ò rì nø shvngø ré vgø rì í nø Shvngbe nø, (Bishop) rì, shaqré shaqtāng rì í ya:ngì. Shvngø̀m ré rì luq we shvrà vrv̀m taq dvzv́r pèla nø vyv̀ng ré rì svng øpmò we vyv̀ng roq shú rì wá lvm (Bishop)rì svng zá:ngò nø tvlē ya:ngà.(Bishop) rì svng dvbang lv́m rvt Shvrúng shú rì, Coqcv́n rì svng (Bishop)rì í Shvrúng shú vyā dang yv̀ngà.

Roma móng shvnvng vlnø wàmà gvbà taq vl we (Bishop) rì nø wàmà cv̀m rì taq vl we (Bishop) rì svng shvngøt dvtú ya:ngà.Epesu taq vl we (Bishop) nø Asia Minor Shvngbe taq lún kv́ng vlé.Antioch taq vl we (Bishop)nø Syria móng svng íni gø ,Caesarea taq vl we (Bishop) nø Palestine svng íni gø , Alexandria taq vl we (Bishop) nø EJip móng svng íni gø , Carthage taq vl we (Bishop ) nø Africa móng nv̀mløp tì bō svng íì gø øp ya:ngà.

Tiq rvtøtø taq (Bishop) rì nø vdènvng sing we shaqré Shaq tvng (Bishop) rì nvng tiqdø vhøm só:rí Shvngøm ré rì svng roq nø shvngøt dvtú lvm nvng Shvngøm ré vdòng taq vhøm vdū we bv̀nchvt rì svng mòng dvzøl lv́m rvt mv̀rshv̀m vhøm vrà shi nø dvmv̀nya:ngì.We lòng kà vra lì pong svng Provincial Councils wá nø tǿ ya:ngà.

Roma wamà taq vl we (Bishop)nø móngdan vrv̀m taq vl we (Bishop)rì,Shvrúng shúri, Coqcvn rì nvng Shvngøm ré riò shaqré shaqtāng íe.Shvngøm ré ò shvngøt dvtú we nvng sing dø tvsvng shv ngō ké we , yak rvzaq we vhǿm shi rì svng mòng dvzøl lv́m rvt(Bishop ofRome)nø gvzà dvkv̀ng we í ya:ngì.