Zongshí tiq chv̀ng nø vba rv́m svng vløpmv̄m dá:ngí mvshì nìnø, wechv̀ng wa v́ldv̀ng wae. Inìgø shìv̄m nìnø, angshí mvme zí long we dang

Shvngbe svng pamvra wànge. Deni nø Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø –

Deni nø shvnshér we St. Louisò bóy angni íe. Deni tāshìlvm Gvray mòngkà nø zongshí tiq chv̀ng nø vba rv́m svng vløpmv̄m dá:ngí mvshì nìnø, wechv̀ng wa v́ldv̀ng wae. Inìgø shìv̄m nìnø, angshí mvme zí longe wanø Kàngpè Yesuí shvngøt dvtúe. Vdè gø̀nshaq svng mvpáshi gǿ nø, ang gø̀nshaq vmvngv̄me. Vdè gø̀nshaq svng zíshì gǿí mvng nø dvciq lvpat gø̀nshaq shøpshì lú:nòe wae.

Shì we dang gø vle, cúnshì we dang gø vle. Tøn gvyaqvm nìgø vrá angshvr ílonge wae. Vsvng lvpat nø dvyø angshí tiqchvng døni vba rv́m svng vløpmv̄m dá:ngí mvshì nìnø, wechv̀ng wa v́ldv̀ng wae. Inìgø shìv̄m nìnø, angshí mvme zí longe. Dvciq lvpat gø̀nshaq lúnlvm dvpvt vba rv́m svng vløpmv̄m svng vløp rae. Ya dang nø Kàngpè Yesuí shvngøt dvtú we vsvng lvpat taq cúnshìlvm dang íe wae .