Kà tā yvng kení pvngshì we shvmán jejúrì
1.kà tā we yalòng svng Gvray shóngshìe.
( Epesu 6:1) Cv̀mré rìé, Vkàngpè vdòng taq nvpè nvmè maq kà ètánøng; pàwálv́m wani,wedø wáshì lòng nø vdu we íe.Angpe Angme kà ta we Cvmré nø, Gvray angnøt dø tiq dvchá dí shá shì we vsvng íe.
2.Kà ta we Cvmré nø, gønshaq yvng nø, ishøt igvn nvng shvmán jejú lú:nòe.(Epesu 6:2-3) Dv́nkà zv̀n we dvkv́mkà nv̀mlat dang taq: “Namaqí shøtshú èlúnnøng nø, rvgaq tø̀mø mvme cúnshì lúnlv́m dvpvt nvpè nvmè maq svng nàpǿnøng,” wae.Kà ta we nø Gvray Gvsvngò shvmán jeju ishøt lún dvzvr we íe.
3.Kà ta rvt nyān paqzí vháng vlúne.
(Kàshvgøp 13:1 ) Zitnøt v̄l cepèí nø angpè shvngøt dvtúkà svng zø̄òe. Zershì gǿ mv̀ng nø shvngøt dvzitkà svng mvtā.Zitnøt vl cèpeí nø Angpe shvngøt dvtú kà svng sing òe. Zershi gø nø , shvngøt dvzit Kà svng mvtā.
4.Kà ta yvng kení shvla we vjang laqyà dvtān lúne.
5.Kà ta long yvng kení, dèrvp vdòng taq mòngzøl lòng lún dvzvrē.Angpè Angmè kà ta we Cvmré rvt chøm døngku vdòng taq shóngnøt vl we, mòngzøl we nvng byo we lúnshie.
6.Kà ta we Cvmré ílvm rvt Kangpè Yesu yvng kení cvnshi vdue.(Luka 2:51) Wekvt Ang nø angní nvng tiqdø yøtshì nø Nazaret mvrìng svng loá:mì. Ang nø angníí ø:pmò we lv̀ngpvng kà tā nø v̄le. Angmèí mv̀ng nø ang nøt vdòngø kà yadv́ngte shvngbe mvsø̄:ngòe.Cvmrérì dvpvt mvsøngshi lvm dangKà ta we nø shaq dvcvm shi lvm mø̀í, Gvrayí zí we ishøt bvngkà tànlvm shvm sò puqíe.
