Yesu shì nø rá zunlong dang dvtáò we jømciq taqkèní íē
Shóngshø’ng we pèmè vnvmchvngmaq, Dèni August shvlá Nár Bunga ni svng gòng bø’shà. Dèni dvdvm vjáng nø nònggùn lùshì lvm Gvray móngkà jømciqrì nø Mati 16:24-28 vdòng taqkèní íē.
.
Vpø’ íwe pèmè vnvmchvngmaq,
“Ngà mèpvng cv́n mvyǿ we kagǿ gø, vdè svng ngálshi nø, vdè wurgang baqshi taqsórí Ngà mèpvng laq cv̀n ra, wā dènio Mati Gvray dvbùshang Mongkà taq Vkangpè Yesuí nøngmaq shvngbe kaq svng ègō íē.
Vkvtdø Vkangpè Yesuí go lòng nø, Àng mèpvng cv’n mvyø’ lungò ngálshi lòng, Wurgang paqshi lòng, cvndvgøm lòngò nvmlat Himàl dvtàng gø í lòng svng yv’nglúnshìe. Døngman dø àng mèpvng cvn gø’ íni, ring dø vpnóng tvleshì lúnè. Kristuò lvpat vdòng taqø nøngmaqí lúm lúnì rvt dvbù Nøntshøm byō lòng, Wurgang paqshi lúnlvm nònggùn kūnga í dvzvrè. Kristu Wurgang paqshi sórí angdèo dvgùng gùngshvng lv’m mvdvmø, Gvray gvsangò jór dvgùng gùngshvng lúnlvm dvpvt le téwa vløm dvzvrè. Vpø’ íwe pèmè vnvmchvngmaq, Gvray gvsangò jór pòngbang dvpvt cvndvgøm nø vlømvm daq gø’, vdè svng ngálshi nø Kristuò lvpat taqø Kømzøp dø Cúnshì lòng nø Vkangpè mèpvng cvn we, àng dvpø’ svng sún mvtv’ngshì we ìshøt ígvn tiqlòng íe. Kristu vdòng taq Vpø’ íwe pèmè vnvmchvngmaq, Nøngmaq gvzà shóngwámshàì we Gvray gvsang nvng tiqdø tiqnønt tiqmvyung wáshì nø vzøm vzapmì we àngni nø rvzvngce tiqgø’ lvpatnò vlømshì ra Kømzøp we àngni tiqni ni íe, walòng svng shvdøm taqsórí nònggùn zí mvyøngè shvngbe svng oqā.
Mati 16:24-28.
24 Wekvt Yesuí Ang coqcv́nrì svng a:lò we nø, “Ngà mèpvng cv́n mvyǿ we kagǿ gø, vdè svng ngálshi nø, vdè wurgang baqshi sórí Ngà mèpvng laq cv̀n ra. t 25 Vdè gø̀nshaq mvpáshi gǿ nø, gø̀nshaq vmvngvme. Iwe Ngà dvpvt rvtnø gø̀nshaq vmvng gǿí mv̀ng nø, gø̀nshaq lá lún lú:ngòe. 26 Vsa:ngí nø, móng dø̄ngtáng shvngbe, wáshì lú:nò nìgø, ang gø̀nshaq* sǿmv̄m nìnø, a:ngí pà vjú lú:nò ma? Mø̀í ni vsvng tiq gǿ ang gø̀nshaq nø kapàí chēshì lún daqe ma? u 27 Kadø íe wani Vsvng Angcè pè Ngà nø, muqlàng dvzv́rrì nvng tiqdø, Vpè pòngbàng ngø̀r we nvngnvng dìlv́m dv́nshø̀nge. Wekvt mv̀ng nø angmaq vdèdèí wàò we bv̀nlì rì svng cv̀no nø, tiq gǿ nø tiq gǿ svng vwv́ngalv́m íe. v 28 Ngàí namaq svng v̄la:tnìni, yayv́ng rip rì taqkèní tiqmaq nø, Vsvng Angcè pè Ang móngdàn vdòng svng di daq lòng svng mvyà:ngò dv́ngte, kadø ínìgø mvshì long,” a:lòe.
