Mvshèr dvzv́r we nø pà í we

Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà

Shvngbe svng pamvra wànge. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø Mati 15:1-2, 10-14

Deni mòngkà taq v́mpà v̄m daqdvgvp wūr siqshishaq v̄m we, shønggàn tiqyvng yáng kení lōlong dvgvp gong shvnshér shìwe dang nø gong shiq shiqshvnlvm dvpvt íe. Yadø gong shvnshér we dang nvng bādāyé shvngømré dang vtóng cvnwe íe wanø Farisirìí, dvdvm vléò we dang íe .

Dvrá svràrì nvng Kàngpè Yesuí shvngøt we nvng gvza màbúng. Bādāyé shvngømré dang taq góng shvnshérlvm gvza vchvk rvt cvnwe ínìnø dòng nøt mvshèr nìnø pa vjú mv-vl.

Kadø íe wani nøt taqkèní būng long rì, mvgv̄m màshvla dø dvda:mò we, vsvng shvt we, dàchap we, mvmv́ng mvshèr we, kø̄ we, mvdìng we shvkse wáshì we, dvsíkà shø̀n nø̀ gvzv̀m we; ya rìí nø, vsvng kaq mvshèr dvzá:rò rì íe. Inìgø wūr màsiqshì v́mpà v̄m weí vsvng kaq mvshèr dvzá:rò we mø̀í,” wanø Kàngpè Yesuí shvngøt dvtú we íe.