Belzebuq cv́ng lù:ngò we
(1617 ) nǿng Binditmóng Gimbvrai myuq yv́ng svmaré tiq me taq cv́ng dvchøp we lòng svng we myuq yv́ng vl we WaJau pèí cv́ng lùng lv́m dvzaq shi ni gø lúng mv lún ya:ngò.Mepv̄ng ni taq Shvrúng shú te pè nø kàgvp muk kvm shi dáng í chv̀ng cv́ng lùnglv́ng di daq ì kvt, Cv́ng shø̀n we kà nø, WaJau deni nà nonggùn gvzà eká:nge, pà wá lvm wani kàgvp muk kv́m shi bǿ ì rvt íe, wá nø vkiqe.
WaJau pè ínø, Ngà kv̀m shøng dakngà we kàgvp muk nø, Vkàng pè Yesu Kristuò shvwi nvng vshā íe.Vkàngpè Yesu Kristù bøng taq kè ní ya mè yv́ng kení elú shi wà nø dvkv́mò sórí cá:ng lùng òe. Cv́ng nøsvrè dvké we Shaq mèí vkiqe sórí wemè yv́ng kè ní lú shi bǿì.Cv́ng dvchøp we nø Ang baq baq í ya:ng ì.
Mepv̄ng taq rá tiqkvt (Bishop)pèí kàgvp muk láng daqa nø lùng ò kvt vkiq sórí lú shi ya:ngì
cv́ng shø̀n we nø, jø̀ngjǿng ni Kàgvp Muk yáng vkangpè vl we svng kv́m bǿngà wá nø lú shi bǿì. cvng lúng dvké we nø cvng Belzebuq dvchøp rvt íe.
1566 nǿng taq cv́ng nø vkàng pè kàgvp muk svng svré we svng shvngbeí yv̀ng ya:ngà. Ya mvbø̀n svng LaUn myuq yv́ng vl we dvrá vjì rì nvng vsv̀ng rìí yv̀ng ò rvt (150000) gǿ rvcv́ng cè wá shi ya:ngì. We lòng svng yv̀ngbǿà we dvgá protestant ri gø Catholic sgvngø̀m ré wá shi ya:ngì.
Nigulabérū kè ní svmàré mè nø cv́ng dvchøp rvt vsv̀ng shvlá kení vnà mvtáò, kà shǿn mvshá ò, hí,wūr mà shvlá we svng ya:ng lún shiè. We mvbøn svng (Pope Pius )í WaJau pè John Dibule svng vrū mvsøng dvzvrò nø dvdùt ya:ngà.We rvt Gvray noq shi ì we gǿ vrv̀m gø kàgvp muk svng vpǿ shvringì taq sórí kv̀m shi lv́m nonggùn zí mvyǿnee.
