AI paqzí svng shvladø vjú vlwe tvrà dvpvt lángshì lvm dvng nvng singwe mònggvn zvpù:ngmè

2026 nøng July 7-10 ni vdòng Geneva taq wáshì bøì we lìpù:ngmè svng Pope Leo XIV taqkèní kàru tiqlòng shvri bøà.

Pope Leo XIV nø UN Agency mvdòrì nvng vzømnø mònggvn vtoq vtip mvdò íwe ITU kèní shølshú wáshì só:rí Switzerland nø bvnlì àngkàng wáshì bøì we AI paqzí svng shvladø vjú vlwe tvrà dvpvt lángshì lvm dvng nvng singwe mònggvn zvpù:ngmè(AI for Goog Global Summit 2026) svng kømngøm ráshàwe shvngbe kaq svng pàmvrà.

Dèniò vbat mònggvn AI paqzí dang nvng singwe shvla we tvrà rì svng tònglvm dèzaqshì nøng we shvngbe kaq Holy See kèní gø shaq shaq wa dvbùnøngí vto ìe.

AI paqzí vbat taq mònggvn vsvngrì kaq roqgvr lvm tvrà dvpvt Svrabín koqkvnpèí dvtú mòkà tiqlòng íwe
Magnifica Humanitas taqgø vsvngrì ò dvgùng àngmaqò lvpat tvrà rì svng roqgvrā lvm vchvk we dvng dvtú shaq íe.

Mònggvn svng vkøn ráì we shìwvt rvmè svng shvzøm lvm mònggvnò paqzí vdèrì móngøp dù gvmzø rì dvrá vjìrì shvngbe gø nøt tøng nøtdøng we tvrà, nøt mvsøn kèní vzømnø dvzaqshì rà bøì.

Mònggvnò dèni vbat AI paqzí rvt svngpvn dvcìrì vdòng taq vdèò síngrvl nøt, rvwvl nøt rì svng vtøp dvzvr we mvbøn lvm vsvngrì kaq vjú zílún we mvtú rì svng shvzvt lún lvm dvpvt Gvray jèjú vdòng jórlún we mvtú svng vtoshì lúnlvm dvpvt gø vjúrøt dvba:ngìe wanø dvtú kàru shvlang bøà we íe.

Vatican News