Tiqnønt tiqmvrøl ílvm dvpat dvzvr shà ì wa nø Svrabín Koqkam pè í Shvngømre Svng Dvkam we dang
2026nøng July 20-26ni høq india Móng,Jakarta yvng wa lvm íwe Asia Móng Catholic Svrado gvba (FABC)Mvdò ò (12)poq Lipong svng Svrabín Koqkam pè Leo (14) taq kení Nonggung zi karu tiq chvng zí bøì we íe.
Svrabín í Dvzvr Cardinal Oswald Gracias svng zun bøì we Karu taq Shvngømre vsvng ri í wa ò we Bvnli vrvm taq Vkàngpe yesu shóngwam shì dø cvn re è wa nø shá lún shìe.
Dvshá mvhoq vsvngri nvng mvrø we,shvnip shvnvr we vhøm ri nø shvgùn Zàywà 85 tut taq
Gvrayé, Nà móng svng Nà shèrúng yà:ngì. Vgùngv́m yà:ngà we Yaku dvcì cèrì dvnglún ílv́m tvrà, Nàí dètv́nga yà:ngà. Nà bashà rì vléshì we mvrà svng Nàí èchutna yà:ngà. Angmaq mvrà shvngbe svng Nàí èwv̄ma yà:ngà. Nà shv̀mná èhøprì shvngbe Nà rèdāshì yà:ngì nø, vcōr we Nà shv̀mnárínøt kèní Nà nàwv́ngshì yà:ngì.Chutchv́ng pè Gvrayé, nøngmaq svng ngvnì dø dètv̀ngshà nø, Nà shv̀mná høpnøt èna:rò. Gvrayé, Nà mvkok dvdínøt nøngmaq svng dètānshà nø, Nà chutchv́ng jejú gø nøngmaq svng èrv̄l daqshà.Gvrayí pà shø̀n lú:ngò má, ngàí tálv́m íe.
Kadø íe wani Angbashà rì nvng shànshérrì svng mòngzø̀l we kà shø̀n daqe. Iwe, angmaq nø dál we tvrà svng tv́n tiq kvt nø laq màtv́ng. ø̀ngjǿng, Ang svng vpǿ svrerì svng nø A:ngí chutchv́ng we jejú tvp níshìe. Ngø̀r dvgùng v̄l pè Ang gø nøngmaq móng taq v́ldv̀ng wa daqe. Mvkok dvdínøt nvng dø̄ngtǿng nøt nø tiqdø vhø̄má:mì. Dø̄ngman we nvng mòngzø̀l we gø tāsvng tàle vbùkēe. Kv́mv́m daqnøt nø rvgaq tø̀m kèní yó lú:ngì nø, døngman lòng nø muqlàng taqlap kèní dvjaq daqì.Jø̀ngjǿngni, Yehowaí shvla pv̀n wa zi daq nø, nøngmaq rvgaqí gø mvzídvyø̀ pǿng dø shvluq lú:ngòe. Dø̄ngman lòng nø Gvray vzv̀ngzv̀ng di weí, Ang dìlv́m tvrà wà lú:ngòe. Mòngkà yvng vl dø ídaqe wa nø shøn no e.
Cún shì we Gvray Mòngkà nvng vbung dø nøngmaq vsvng rìò vnvp we laqya ri mvmáng lvm nvng gø vrvmò nønt mvsøn taq Vkàngpe gvray svng shvra zì nø Mónggvn ya chvng Móngzøl we lún lvm shvngbe ídvzaq shì lvm waìwa nø Vpè tiq gø ò shóngnøt í goò we íe.
