Màá Cáng lù:ngò we
Shvngbe svng pamvra deni Gvrayí ziwe rvtø shvla vdùng taqø dvdvm vjvng nø Pvlacè nvnggùn lushìlvm Gvray mòngkà
Angní lvngà búngá:mì weó, ku, cá:ngí dvrūkéò we màá tiq pè Yesu yv́ng svng shøla:tnà. Cáng lòng lùng bǿà kvt màá pè nø kà shø̀n lú:ngì. Wekvt vsvng loksokrì vtiq lú:ngì nø, “Israel vdòng taq yadø í we nø kadvgvp gø mvyv̀ng dá:rì,” wae. 34 Iwe Farisirì nø, “A:ngí cángrì lù:ngò we nø cáng koqkv́m nònggùn kèní íe,” wae.
Galili rvgaq Yesu tvríshì we
Yesu nø wamàrì nvng rvwá rì shvngbe taq tvríshì nø, angmaq júrøt chø̀mrì taq shvngø:tnò taqsórí, muqlàng móngdàn Dvbùshv̀ngkà dvsha:ngò nø, záyv̀ng angpv̀npv̀n dvbā:nòe. Vsvng loksokrì nø roqshú màdá we vyv̀ngrì dø vshin nø, dvbvngshú màdá dvshá dvré vhǿ:mò we svng A:ngí yv̀ng bǿà rvtnø angmaq svng mvré lú:ngà. Wekvt A:ngí Ang coqcv́nrì svng, “Dvkømlv́m mvzí nø gvzà luq we, dvkøm vsvng mv̀ng mvluq. We rvtnø mvzí dvkø̄m Angkàng pè svng dvkømshú dvzv́ralv́m èrøtnø̀ng,” a:lòe.
Deni mòngkà taqkení Kàngpè Yesuí za vsvng dvbànò cáng lù:ngò we dang nø Gvray mòngkà svng dvshvnglvm vsvngrì rae wanø ego shàe. Nøngmaq shvngbe svng gø kàngpí Pvlacè dang dvbvnlvm rae.
