Hí wūr shì vsvng dvbā:nò we
Vpø’ íwe pèmè vnvmchvngmaq, Dènio Gvray dvbùshang Mongkà taq Vkangpè Yesuí Hí wur shì vsvng kaq dvbanò tvrà yv’nglúnshìe. Shø’n mvyø’ we taq Mvra nvng yóga zā yv’ng, Gálong nvng Dølòng Vsvng gø’ vrvm lvpat taq kadvgvp gø tiqdø vlē walòng svng dvtánòe.
Wervt Yuda vsvngrì ínø Mvra rvt yóga zønli zā yv’ng vhø’mò, wè gø’ò Mvra svng Chutnà lún kvtwā wèlong yóga zønli zā yv’ng svng dvban lúnè wā Kv’m nø vtoshìe.
Hí wur shì vsvng gø’ nø Gvray gvsangí Angò Mvra rì svng Chutnà we vtoshì lún bø’à mèpvng, Àng Hí wur shì we yóga zā yv’ng lòng nø wè lv’ng íni baná:mì nø Tvrà dì lúngì. Mvra ínø vsvng kaq dvról sháòe, Kūnga shaq vnø’n dvzvrè. Gvray dvkv’m Kà rì svng vléshì dvzvrè, Mvra svng wá dvzvrè. Dølòng vdòng taqwā vløp dvzvrè. Mvra vroqshìe, wàwe Sacramentu lòng kèní Gvrayò tvle Shvrúngshú pè taqkèní nøngmaqò Mvra rì svng èchutnàìe. Vkvtdø vtoshì lúnì we Jèjú rì svng nøngmaqí kadø wā vpø’ shvring i mà? Dvdvmì nø gø’ vrvm lvpat taqkèní Pvlàcè kvmnønt nònggùn kūnga lùshì laqlúnì. Shvngbe svng oqā.
Wekvt Yesu nø kùngshí tiq gø̀m taq zv́ngshì dá:ngí kupa svng léshì nø, Ang vdè mvrìng svng tuq ráì. ab 2 Ku, hí wūr vzø̀m shì vsvng tiq gǿ chà taq vyà:lò nø, Yesu yv́ng svng angmaqí baqa:tnà. Angmaq kv́mnøt svng Yesuí yv̀ng bǿà kvt hí wūr shì pè svng, “Ngàcèá, shaqshaq wa èv̄l, nà mvrà chutnāng bǿngà,” a:lòe. 3 Weyv́ng dvrá svrarì tiqmaq nø angmaq nøt taq, “Yapè nø shǿn màdu we kà shø̀ne,” wa dvda:mòe. c 4 Angmaqí wedø dvda:mò we svng Yesuí sháò rvt, “Namaq nøt taq pàwá mvgv̄m we dèdv̄mnønge? d 5 ‘Nà mvrà chutnāng bǿngà,’ èa:lò kà nvng ‘Ekūngshi nø èdivm,’ èa:lò kà; yakàní kākà té shǿn yùl ma? 6 Iwe vsvng Angcè pè Ngà nø rvgaq tø̀mø mvrà chutnālv́m vmíng vkv́ng vl we namaq svng shá dvzv́rlv́m íe a:lò nø, A:ngí hí wūr shì pè svng, ‘Ekungshì; nà pvlū èbaqshi nø nà chø̀m svng èlō,’” a:lòe. 7 Wekvt wepè cøt kungshì nø ang chø̀m svng loá:mì. 8 Vsvng loksokrìí welòng yv̀ng bǿà kvt dvdv̄m vtiqá:mì nø, vsvng kaq yadv́ngte ring we vmíng vkv́ng zi pè Gvray kaq shvrī:ngòe.
