“Mvnggv̄ng zā vsvng dvba:nò we” mvshøl taqkèní íē.
Vpø’ íwe vnvmchvngmaq, Vsvng v-rvmò mvrdvng yv’ngø mvsher we Vsvng, Vsvng Mvdò tiqlòng taqkèní gur vhø’m we Mvnggv̄ng zā vsvng tiqgø’ nø, Dèni Vkangpè Yesu Kristu mvrdvng yv’ngø dì lúngì dvgvp zā yvng dvban lv’m rvt røtnímshìe. Vkvtdø Kvmnøntní røtnímshì dvgvp sher a:mì, ban á:mì. Vkangpè wur taqkèní zø’m bø’à mèpvng Àng góng taq mvmè nø’ng tønshì nø zāyvng rvnaq vhø’m bø’à rì Sher a:mì we wā mvtaq, Vsvng mvngpòng mvdò kaq svng vrá tiqkvt góng lún we vmíng vkvng, vsvng v-rvmí lún v-du we vlún vkvng Dvgùng svng gø vrá vtoshì lún bø’à.
Shóngshø’ng we pèmè vnvmchvngmaq, Nøngmaqò Pvlàcè lvpat taqgø Mvnggv̄ng í zā vsvng nvng vbóngì we màshvla we vjang laqyàrì, Rvtø mvmè nøngmaq vdòng taq vl we, rvnaq we Mvra dàm rì, Vrá nø Gvray gvsang nvng vcar dvzvr we àng dvja rì yv’ngkèní lutshì mvyø’ì nìnø, Gvray gvsang mvrdvng yv’ngø Kvmnøntní pvnciq tūshàì nø dvshá zā tùbùm dvbvng lvm rvt røtnímshàì we taq, Jø’ngjøngni Gvray gvsangò dvshá zā mvkok dvdí tùbùm dvban lòng svng vtoshì lúnlvm i daqè. Vtoshì lúnlvm vlē. Wervt Nøngmaq lvpatnò àng dvja, mvbø’n tvrà rì taqø Dvdvm vshat lv’m ra mvtú rì, Gvray gvsangò Dvrá móngkà rì svng tashàì lòng ínø, Gvray gvsangò angcø angcèrì wáshì lúnlvm Gvray nø Nøngmaq kaq svng rvtø vrvm vlømshìe, vtōè walòng svng dvdvm vjáng taqsórí Pvlàcè kvmnønt nònggùn lùshì laqlúnì, shvngbe svng Pamvra oqā.
8Yesu nø mvrèyv̀ng kèní shúngshì daqì kvt, vsvng loksu:kngí gø Ang svng cv̀n bǿà. a 2 Wekvt mv̄ngga:ngí zā we vsvng tiq gǿ Ang yv́ng dì ráì nø, køt ngǿmshi noqò sórí, “Vkàngpèá, Nà èkv̄mshì nìnø, ngà svng dvshér èngutnàe,” wae. 3 Wekvt Yesu Ang wūr zúshi nø, “Ngà kv̄mshø̀nge; nà leq shv̄ngv̄m,” a:lòe. Wela:ngí ni ang mv̄nggvng lòng nø shv̄ngá:mì. 4 Yesuí ang svng, “Vsvng kagǿ svng gø màdvtálv́m nàyáshì. Iwe, èdivm nø shvkse ílv́m dvpvt, nà góng nø shvrúngshú pè svng dètánshivm nø Moshií dvkv́m yà:ngì we shvrúng gønpaq lòng ènúngá:mò,” a:lòe.
