Zilangrérì dvpvt Shansher karu taq keni cunshilvm dang
1.Gvray kaq vzvng lá rà e.(Mati 6:33)
Namaqí nø Ang mongdàn nvng Ang døngman lòng svng vzvng èlá nøng.
Cvnshilvm;Zilangré lvpat taq paqzidang,bvnli tvra,rvnnvngri nvng vzngkaq yøpnvngri dvhø Gvray kaq svng vzvng lá lvm vchvknge.
2.Angpe Angme kaq vpø rà e.(Bungàm 20:12)
Namaq Gvray í èzínøng we mongdàng taq namaq lvpat yvng do cúnshì lúnlvm dvpvt nvpè nvmè maq svng vpø raè.
Cvnshilvm ;Angpe Angme ka ta we nvng oqa wa sháò we no Garay Gvsvng shóngwvmshì we laq ya shvla íè.
3.Shansher we lvpat tara cvn ràe.(1 Timoti 4:12)
Wedø èwáshinøng kvtnø manoqshi rìí go namaq svng nàpøvtnøng nø, namaq èrànøng dvngte ègø èkøm bøshà rat kagø svng gø dvshá lu mvrà vm we íe.
Cvnshilvm;Kà shøn we tvrà, wao tvrà, shóngnøt, Kvmnøt nvng shanshér we tvra ri taq shvbóng shvmvtshi ra i ràe.
4.Rvmnvng shvlári Kaq rvcvng ràe.(1Korintu 15:33)
Namaq vdè mèyvm shìnøngni,”Màshvla we nvng rvmnvng èwáshin ninø shvla we laqyà svng gvyaqòe.”
Cvnshilvm;Rvmnangri nø ,vdè lvpat dvpvt , zøm dvng e. Gvray Gvsvng kaq shongshi we rvmnvngri nvng vrvm vra ràe.
5.Dazaqshi nø bvnli wá ràe.(Golitia 3:23)
Wedø í nìgø kvmnøt tvrà shini mvtuq daq vzvng kaq,nøngmaq svng nø dvrá long lvngpvnggø nàdvngkeì nø , mèpvng dvtána daq we kvmnøt tvra mvtuq daq dvngte vrongshaq i yvngshà.
Cvnshilvm;Karu Cvnshiwe,bvnli wa we,wá ra bvnli ri wàò we nø Gvray dvpvt wào dø dvzaq shi ràe.
6.Jurøt bvnli kaq shvmun shi ràē.(1 Tesalinia 5:17)
Mànarnar vjú érøtnøng.
Cvnshilvm;Ni vrvm jurøt we bvnli nø Gvray nvng vtvplvm rvt vzømvzvp we tvra dvpvt wao we íè.
7.Gvray Gvsvng mongka svng ecvnshi .(shvgun zà wà 119:105)
Nà mòngka nø ngā hi dvpvt svmigwine èøngange .Ngà tvrà dvpvt gólòng éøngange.
Cvnshilvm; Shansher karu rø we nø, jò we kaciq rvt lúnlvm dvpvt tvra dutúshú íe.
Zilangréri dvpvt mvsøngshilvm Kà
Zilangré lvpat kaq svng boylvm dvpvt wa møí dø Gvray dvgòng bong lvm dvpvt dazaqshi ràè.Deni Gvray nvng tiq dø cunshi we Zilangréri nø nvp ni ngvngdøng we rvcvngcè shølshú vgò bøn sháòē.
