Shvngbe mvdvm Gvray mongzøl lòng laqtuqdaq! Dèni nònggùn lùshì lvm móngkà nø,Mati 5:20-26 vdòng taqkèní íē.
Shv̀mná rí mvdaq we
Ngàí namaq svng v̄la:tnìni, namaq nø dvrá svrarì nvng Farisirì angmaq døngman lòng mvdv̀m mvzv́n mèdøngmannøng kvt kèní nø, kadø ínìgø namaqí muqlàng móngdàn góng mèlúnnøng.
Cārvmàng vsvngrì kaq nø, ‘Vsvng shvt mvdaq; vsvng shvt we kagǿ ínìgø dvrá dvra we vhǿm vdū longe,’ v̄l yà:ngà kà namaqí vtáshaq íe. r 22 Iwe, Ngàí namaq svng v̄la:tnìni; kagǿ ínìgø angnv̄m angchvng tiq gǿ svng mvtú màdá shv̀mná rí gǿ nø dvrá dvrā we vhǿm vdū longe. Kagǿ ínìgø angnv̄m angchvng kaq yv́ng mvtv̀má:mò nø, nà nø angdé èíe, wa shø̀n vsvng nø shaqré lìpòngmè taq dvrá dvra we vhǿm vdū longe. Kagǿ ínìgø angnv̄m angchvng svng dvrøq nø, ‘Angdál nà!’ wa shø̀n gǿ nø zùpvng svmi móng kèní mvlutshì long, wā dvkv’mè.
Kristu vdòng taq Vpø’ íwe vnvmchvngmaq, St. Banabar nø Angò mvkok dvdí shóngnøntní Dvzvr Polo nvng Tiqdvng vsvngrì kaq svng tùbùm dvbvngshì lùngí vsvng mvmè í shálún yangà. Angí nø V-rvm vrá Nønt mvsøn shóngnønt svng dvtánò weí nvmlat kèní rvzvngce vsvng mvngpòng, mvdò, vrvng lvm rvt dvnùng yangà. Vpø’ íwe pèmè vnvmchvngmaq, Nøngmaq gø Vsvng mvngpòng nvng V-toq V-tip vzøm vzapmì we tvrà taqø Mongzøl lòng nvng vroqā lvm lòng svng hángshì sórí, St. Banabar ò shóngnønt Nønt mvsøn vjang laqyàrì kèní shvbóng shvmvtshì nø cúnshì laqlúnì.
Nøngmaq ínø, Gvray gvsangò lvpkà rì svng cvndvgømì lòng mvdvmø, nøngmaqò Nønt mvsøn, vjang laqyàrì svng gø dvzøp vdv’ngshì lúnlvm gvzàni vchvk dang Dènio Gvray dvbùshang Mongkà taq shvdømè. Vrá nø, Shvmná rí mvdaq ( mø-í ni ) Nønt mvgør lòng svng lv’ngshì lùngí Tiqdvng vsvng kaq banchvk Shiwvt rì zí sháshìe. Wervt, rvtø vrvm vyáshì weí, Vroqā nø shv-rvm shv-ráshì sórí Mongzøl lòng svng lá lúnlvm rvt shvdømè. Ni vrvm Cúnshàì we lvpat taq Shóngnønt Dvrá nvng mvré zā mvkok dvdí shóngnøntní øpshì lúnlvm rvt dvzaq dvkvngshì laqlúnì. Kristuò Gá lòng shóngnønt svng dvtán weí Gvray gvsangò angcø angcèrì, rvzvngcerì wáshì laqlúni, shvngbe svng oqā.
