Dvrá dvgø:mò we
Shvngbe svng pamvra deni Gvrayí ziwe rvtø shvla vdùng taqø dvdvm vjvng nø Pvlacè nvnggùn lushìlvm Gvray mòngkà
Kàngpè Yesu nø tin gvyaqlvm svng shøl we vtùpè ímá? Vdè nø vdè ngà nø rvtø vrvm døngmàne, jò nø shvlae wa nøt zángshì weí vsvngí shònglvm dvgùng zílvm wa shóngshì we shølshú íèmá? Kàngpè Yesuò rvtø taq wa wedø lánshì we shølshú rì wa Kàngpè Yesu svng vtù nø dvløt we svng yvnglúnshìe.
Ngà nø Dvrá nvng kàdvtutshú kàrurì svng catlv́m rvt dì daqì mèlv́nshàni. Ngà nø catlv́m dø̀ng dakngà we mø̀í; werì dvgø̄mlv́m rvt mv̀ng dø̀ng dakngà.
Ngàí namaq svng kàdøng v̄la:tnìni. Muqlàng rvgaq vlēvm nø dvrá lòng taq v̄l rì shvngbe køtgø̄m dvhø̄m daqò høqshaq, Dvrá lòng taqò kàru angteq tiq chv̀ngcè gø, angmvkwiq tiq lòngcè gø, màmv̄ngvm.
Wedø í rvtnø, dvkv́mkà yarì taqkèní cv́m vtv̄ng we tiq ciqcè svng mvcà:nò nø, dvgá vsvng kaq gø welòng døni shvngø:tnò we kagǿ ínìgø, muqlàng móngdàn taq cv́m vtv̄ng gǿ tǿlv́m í longe. Iwe, dvkv́mkà yarì cv́n dvdø̄:ngò nø, dvgá vsvng kaq gø welòng døni shvngø:tnò we kagǿ ínìgø, wegǿ mv̀ng nø muqlàng móngdàn taq ring we tǿlv́m í longe.
Kàngpè Yesuí shøn dø tiq dvchá shvngømré shølshú tiqmaq nø Gvray dvkvmkà dvrárì svng vdèí shòngò dø dvlíngò dvzøpmò nø vsvng dvrá ku, Kàngpèò dvrá shønggànlvp taq vlrì wa shóngshìe. Wervt Kàngpè Yesuò dvkvmkà dvrárì svng vsvngí dvdvmò, vsvngrìò paqzí taqkení vdè dvpvt dvzøpmò nø dvgá vsvngrì kaq cvnlvm dvrá shvngøt mvdaq wawe svng singshálvm dvshvt dvtú shvngøt we íe.
