Kùya gún tvràí Yesu vlø:tnò we

Shvngbe svng pamvra deni Gvrayí ziwe rvtø shvla vdùng taqø dvdvm vjvng nø Pvlacè nvnggùn lushìlvm Gvray mòngkà

Mvdvmø Farisirì nø Kàngpè Yesu svng Nøngmaqí kùyà gúnaì ni ma?
kùya nø nasvng zíì nimá wanø dvløtnòe. Ngà svng pàwá nàløtshàe ma? Ngà svng gv̀msùng tiq gø̀m dètanvtsha,” a:lòe. Angmaqí gv̀msùng tiq lvp tvlea:tnà kvt A:ngí, “Vsvng hāng nvng mvdv̀m vrūshaq kà yarì nø, kagǿò íāò ma?” a:lòe. Angmaqí Ang svng, “Kesarò íe,” a:lòe. Wekvt Yesuí angmaq svng, “Kesarò rì nø Kesar svng, Gvrayò rì nø Gvray svng nàtv́nganøng,” a:lòe.

Nøngmaq nø Gvrayò hāng nvng vbóng dø Pv́n má:nò we írvt Gvray døni shvnshér we lúnlvm vpatlvmrì íshàe wanø dvdvmì. Nøngmaqò gønshaq, rvtø, shánøt paqzí nvng pø’yá pø’núng ìshøt rì shvngbe nø Gvrayò jèjú ìshøt rì íe wa dvdvm nø cúnshì rae. Gvrayò mø’rdvmø kàciq rvt we vhø’m ralong svng dvdvmì.