Yohan nvng Yaku røtshì we
Nøngmaq svng èchv́ng bǿshà lòng nø, vrø̀l vcat sháò we vpø̀, gv̀msùng vshéí nø mø̀í, Vyv̀ngcè shvwi, Kristu Ang vpǿ we shvwií nī èchv́ng bǿshà we íe wanø (1piter 1:18-19). Nøngmaq svng tøpni tøpwa shvnshér dø kv’mnønt tvrà dang dvzaqshì nø vl lvm dvtú dvshvte.
Marko dvbùshvng mòngkà taq Zebedi angcè Yaku nvng Yohan nø Yesu yv́ng dì ráì nø, Nà ngø̀rdvgùng móngdàn vdòng koqkv́m rúngtv̀ng taq èrung long ke, ngànínvm svng Nà vbàng pa tiq pè, vgwé pa tiq pè rúng dezv́rshà,” røtshì mvyǿshìe. Angní nø anā power lúnlvm røtshìe. Nàní pà èrøtshi we nàníí mèsháshò. Ngàí aq rà we gwìn chv̀ng nàní gø aq èlúnshò ma? alòe. Kadø íe wani vsvng angcè pè Ngà gø vsa:ngí leq dèzømvt wvng nø dø̀ng dakngà we mø̀í. Vsvng kaq dvzømlv́m dvpvt nvng Ngà gø̀nshaq nø mvme gǿ dvpvt chv́nglv́m dvpø̀ zíshilv́m rvt mv̀ng dø̀ng dakngà,” a:lòe.
Dvzømshú bvnlì taqkení vhánglvm dang svng kadø dvzaqshìe. Nøngmaq lvpat taq anā power lúnlvm dvpvt wa nøtshìe má? Vsvng kaq dvzømshìlvm dang té dvzaqshìe má? dvdvmì shvdøng shìlvm dvpvt dvshvt we íe.
