Yesu shì we
Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà
Deni mòngkà taq mvrà nvng chutchvng we tvrà dang svng cvnshì lúnìe. Nvmlat Nvmpvng mòngkà taq Adam nvng Ewa níí Gvray kà mvtā nø sataní yum we kà svng vto bø’à. Vkvt dø màvto bø’à rvt mvrà nvng shi we rvgaq tø’mø gòngráì nø Gvray nvng vsvng dvhø rvwān we dang íámì. Ewaí màvtoò we ínìgø Marií nø rvtø vrvm cvnò vtoòe. Angmè Mari nø Yesu Ang wurgang shvnvngø rip we yv̀ng bǿà kvt, A:ngí angmè svng, “Svmaré mèá, èyà:ngò, nvcèpè,” a:lòe (Yohan 19:26) wae.
Gvray angmè Mari svng gø oqà wáràe. Nøngmaq svng tvrà shøl we nvng rvcángcé tiqgø’ ídvzvre, Gvrayò móngdàn shvdønglvm tvrà shølshú angmè tiqgø’ tiqdø vl lvm lúnì rvt nøngmaq nø jèjú vtvng kení lúnìrì íshàe.
Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.
