Shaqshaqwa v̀llv́m dvká:mò we
Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà
Deni mòngkà taq tiqmaq nø kv’m vsvng tiqgø’ gøí nvnggùn zí tvrà shøl rà we rvtø rì v’lrae. Rvgaq tø̀mø nø namaqí dvshà mvhøt lòng nàhǿm lóngnø̀nge. Inìgø shaqshaqwa èv̀lnøng, rvgaq svng Ngàí jorv́mà,” wae. Rvgaq tø’mø namaqí dvshà mvhøt lòng nàhǿm lóngnø̀nge wa kà nø dvshà mvhøt lòng yvng kení shaqshaq wa dvbùlvm nvng mòngzøllvm lúnshì daqe.
Yesuí angmaq svng vtá:nò nø, “Namaq nø akvt wa èkv́mnønge ma? Eyv̀ngnøng, namaq nø vdèdè chø̀m svng nàkangv́mnø̀ng nø, Ngà wa ègur ráshà we rvtø̀ tuq rae, akvt ni tuq ráì wae. Kàngpè Yesuí nøngmaq ka dvgvp gø gurlvm mví. Wedø Gvrayò mvréza shóngnøt nø kømgøm we írvt nøngmaq svng kadángte dvshà mvhøtlvm vhømshì ra dvgvp tønzánlúnlvm dvbvng daqe.
Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.
