Shvngbe mvdvm Vkangpè mongzøl lòng laqtuqdaq!Dèni vrá Pvlàcè nònggùn lùshì lvm Gvray Mongkà nø (Yohan 16:20-23) vdòng taqkèní ínø, Mongkà taq Vkangpè Yesu yadø wàwe;-

Ngàí kàdøng v̄la:tnìni, namaq nø rv̀ngshvng èwànø̀ng nø dèyúrshìnø̀ng ke, rvgaq nø dvbù longe, wā Dèni tálúnì we Vkangpè Yesuò Mongkà taq Ka pung kèní shø’n we svng tálúnìe. Vkangpè Yesu Kristu nø gvzà maléké àng taq dvshà mvhøt lvm nvng shì vhø’m lvm dang, vrá nø lvmboqrì dvyúrshìlvm lòng svng tvlú sháò pàdø, rvgaq í àng svng shvt bø’à , jór a:mì, vrá nø dvbù lvm lòng svng gø angí tvlú sháò rvt vkvtdø Ka pung taqkèní shøn yangì. Íni gø Dvzvrì rv̀ngshvng dvyúrshì lòng nø dvbù lvm lòng svng vpōlvm dvtánòe, dvshà mvhøtlvm kadv’ngte vhø’mò we íni gø, angcø angcèrìo mvrshvm svng yv’ng lú:n bø’ò dvgvp, dvshà mvhøt lòng svng vná nø dvbù Nøntshøm lòng lúnò we Angmè tiqgø’ nvng shvbóngòe.

Vkangpè Yesu Kristu Zun lúng dvgvp nø, dvzvrì nø dvbù Nøntshøm lvm lòng lúnlvm ínø, vkvtdø Dvbù Nøntshøm lvm lòng svng àngmaq taqkèní kagø’ ígø tøl vmlvm mø-í wā shø’n yangì. Nøngmaq lvpat taqgø nøngmaqí vhø’mì we dvshàlvm rì, yvklvmrì nø Nøngmaq taq tiqlvpat Dø’ngvng lvm mø-í, walòng svng shvdømè. Kà shvbóng, Nvmbøng mvru me nø vlēvm mèpvng shígwín nvmbøngce rì wàe wàpà dø íe.

Vpø’ íwe pèmè vnvmchvngmaq, Nøngmaq gø, Gvray kaq Kv’mì vlømshàì lòng, vrá nø shì yv’ngkèní Vshøm ni wàni taq Zuná:mì we Vkangpè Yesu Kristu vdòng taq vlømshì taqsórí Kvmnøntní zø’mshàì nø cúnshàì nìnø, Nøngmaq lvpat taq gø kadv’ngte dvshà mvhøtlvm yvklvm rì vhø’m v-du we ínø gø nøngmaqí dvbù Nøntshøm lvm Gvray mongzøl lòng vtoshì lúnlvm íē, walòng shedø’mìe.