Pvlàcèí nø Ngà kàrì lá:ngò nø namaq svng dètá daqnø̀nge.
Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà
Ngàí namaq svng shø̀nlv́m kà nø gvzà vl nìgø akvt nø namaqí vto mèdv́ngnøng. Inìgø dìnglòng Pvlàcè Ang tuq daq kvt nø, A:ngí namaq svng dìnglòng í dv́ngte taq èshølvtnønge.k Ang nø Ang nø:tní mvshø̀n. Iwe A:ngí táò dv́ngte wa shø̀:nò nø, dvgáni ílv́m dv́nshi rì gø A:ngí namaq svng dètá daqnø̀nge. Kadø íe wani A:ngí nø Ngà kàrì lá:ngò nø, namaq svng dètá daqnø̀ng yv́ng kèní Ngà ngø̀r dvgùng shvring lú:ngòe. Vpè vdá dv́ngte shvngbe nø Ngàò èǿngange. Wedø í rvtnø, Pvlàcèí nø Ngà kàrì lá:ngò nø namaq svng dètá daqnø̀nge, vl bǿshà we íe.
Deni mòngkà taq nøngmaqò kv’mnønt svng dvdvm vjvng dvzvre. Nøngmaqò lvpat taq Gvrayò mvréza shóngnøt nvng kà døng dvtú dvshvt we dang nø ka dvgvp gø màvmang wanø dvtvnshìe. 8 Ang tuq daq kvtnø, rvgaq tø̀m vsvng kaq A:ngí, mvrà vl dang gø, døngman dang gø, kàngélv́m dang gø, vchaqò nø dvshat lú:ngòe wae.
Nøngmaq lvpat taq nøt dvshàlvm vl daq nigø kv’mnøntní vjúrøt shàì, Gvray Gvsang kaq shvringlvm dang nvl mvdaq, pvlàcèí tvrà shøl we nøt shvløm we svng rvtø vrvm vtoshìlvm vjúrøt shàì.
Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.
