Døngku vdong taq ke ní Gvrag svng kvm nøt shóng nøt ri lún ni we
Døngku vdong taq ke ní Gvrag svng kvm nøt shóng nøt ri lún ni we íe.Døngku vsvng taq ke ní shóng nøt zøng ra we svng nøng gøp í shøn we dang taq ke ní gø wa ò bonli dang ke ní gø dvtan mvtú we svng nøngmaq í shá lún íe.
Døngku Taq ke ní nøt byo shiqshan se vllún lvm ri gø svng lún shi we íe.Døngku taq ke ní shá ra we dang ri svng gø shvnøt lún shi e. Vjú rvt shi lvm dang ang pvn pvn nøng kahtowlik noqkú Hpung dang ri svng gø shvnøt lún shi we íe.
Ti løp kám shi lún ni shvngpe nøGvrag ò vsvng ri /noqkú Hpung ò mvlóm vsvng ri í bø sha we íe.
Noqkú Hpung dang ke ní shvnøt mvtú ri gø døngku Taq ke ní namlat shvnøt svng lún sai we íe.We rvt døngku ri nø noqkú Hpung Se í nø døngku vdong taq ke ní noqkú Hpung Se gø íe.
Døngku vdong taq kení noqkú Hpung nø svncévl we trinita Gvrag svdvdv shóng shi we svng dvtan we lvksvn gumla íe.Døngku vsvng shóng nøt dvzøng nø kámnoq shi we taq vrvm vrá vlni nø we døngku Taq cvncér we trinita Gvrag òshóng nøt zøng we gumla íe.
Gvrag í ang vko vkang ri pēmè svng zi we íe.Ang í nøngmaq svng shóng shi nø mvkup roqrim dø pēmè ri nang vde svng roqrim we svng mv dam ri taq shóng nøt dvzøng vbø lvm svng Gvrag shóng shi e.
Døngku vsvng ti maq nøt mvdá nø døngku Taq tøng tøng mv dam shi nø døngku vsvng taq mangkang ri wa o ni gø Gvrag í nøngmaq svng shóng shi we svng dvdam I nø angmaq dvpvt vjú rvt a lvm gvza vchvk we íe.
(ဧဖက် 4: 2-3)Kapa yvng ínigø cipshinøt nvng køn nø nøt yvng we nøt evl-nøng nø , shóng nøt í nàtōnaké nøng .3,Vrvm vrá we svnhøngí nàdønshinøng .Shanshérpvlàceí zi daq we tiqnøt tiqmv Yung wá nøt svng māshvmvng lvm dèzaqshinøng.Wanø tiq dvchvr
mv dam yáng tā shi bø shv dø Gvrag shóngshi døngku í lvm rvt ,svdvdv vpø nø vrvm vrá vl ra e.Døngku taq yak ni gø dvsha ni gø nøt shvnim nøt shvyáng shi nø døngku vsvng svdv mvré za nøt í mvkup dvzøm ké ra e.Vrvm vrá se døngku svng shvzøng ra we íe.Døngku taq dvdam nøt mvrá ke tiq gø tiq gø shvnim shi nø vrvm vrá se døng ku svng shvzøng ra we íe.
. Døngku pēmè ní nø té wa shóng nøt shing jong dvtan ké ra we íe.Døngku vsvng svdvdvshvgung ka shønnø nønggon vzí ke ra we íe.Noqkú chøm gø ti dø dí nø Døngku vdong taq ti ni wa lvm rvtø ri svng Gvrag wur taq vp vjú røt shi rae.Vm aq rvtø taq gø chøm vsvng ri mvngú vm aq shóngnøt dvtan shi rae.Yøp chvm taq gø
kung shi rvtø taq gø vjú rvt nø døngku svng dvzøng ra we íe.
Vrvm vrá we døngku Taq Gvrag shóng nøt zøng we írvt vrvm vrá vl lvm dèzaq sai I.
