Gvray nø rvgaq tø̀m vsvng kaq shóngshi rvt Angcè Lòngzàpè svng dvzvr daqā.

Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà (Yohan 3:7-15) Gvray nø rvgaq tø̀m vsvng kaq shóngshi rvt Angcè Lòngzàpè svng dvzvr daqā we dang.

Gvray nø rvgaq tø̀m vsvng kaq shóngshi rvt Angcè Lòngzàpè svng dvzvr daqā. Wervt lòngzàpè svng kv́m vsvng kagǿ ínìgø màmvng nø dvciq lvpat gø̀nshaq lúnlv́m íe. Nøngmaq nø gálòng vdùngø cúnshì rae. Mvgv̄m màshvla we wàò gǿ vrv̀m nø, gálòng svng shvngōshì nø, dø̄lòng svng lè shóngshie. Gvrayò shóngnøtní mvrà kèní gø̀nshaq shvlutlvm ídaqe. Gvray shóngnøt nø vsvng gø’ vrvm dvpvt íe.

Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.