Dvciq lvpat gø̀nshaq lúnlv́m shvngøt we

Shvngbe svng pamvra deni Gvrayí ziwe rvtø shvla vdùng taqø Pvlacè nvnggùn lushìlvm Gvray mòngkà (Yohan 3:7-15) Dvciq lvpat gø̀nshaq lúnlvm shvngøtnò we dang íe.

Kàngpè Yesuí Dvciq lvpat gø̀nshaq lúnlvm dvpvt kv́mnøt tvrà dang svng zvndvtut shvngøt we íe. Ang kaq kv́m vsvng kagǿ ínìgø màmvng nø dvciq lvpat gø̀nshaq lúnlv́m dvpvt, Angcè Lòngzàpè zí daqì høqshaq ni Gvray nø rvgaq tø̀m vsvng kaq shóngshie. Kv’mnønt nø lvpat taq gvza vchvke.

Namaq svng Ngàí rvgaq tø̀m taq írì shø̀nò nø dv́ng mèkv́mnøng nìnø, muqlàng taqlap nvng sing rì shø̀nò nø téwa kadølekv́mnøngni? wae. Kv’mnønt nø lvpat angshv́r vlínglúnlvm kùngà íe. Nøngmaq shvngbe Gvray yvng kení Dvciq lvpat gønshaqlúnlvm kùngà røtshìlvm wàì.

Mòngkà etāshìnøng we pèmè vnvm vchvngmaq shvngbeí Gvrayò mòngzøl lòng nvng mòngkà ìshøt vtoshì leqlúnnøng. Shvngbe svng oqà.