St. Luke’s College ò ( 8 ) boq, Joint – Diploma dvgùngmuq shvring Zong dvt bóy
Myitkyina Svrado Gwørwang, St. Luka Catholic, ( 2024 – 2026 )nøng Paqzi cvnshì rvtø nøngla taq Vsvng lvpat vháng vlúnlvm nvng Sasvna Gvray bvnlì wà lvm Mongkà cvnà we ( Socio-Pastoral Formation ) svng v-ní nøngdøp cvnshì nø jór lún bø’à, Mongkà Zongmangcerì svng “EAPI ( Manila, Philippines ) nvng St. Luka Catholic ò Joint-Diploma dvgùngmuq shvring, Zong dvt bóy “svng March, 26, 2026 )ni mongzøl dø wálúnshì bø’ì.
Zong dvt bóy lvmvng tvyø svng Vsháng (6:30) rvtø Gvray kaq oqā wa Missa nóng nø, ( 9:30 AM ) rvtø taq Mongkà Zong dvdv’ng bø’à we Zongmangcerì svng shvring lemvt zíshì we nvng dvgùngmuq vgomō shvmōshì bø’ì. Zong dvt bóy taqø St. Luka Catholic ò Gobùm Svrado, Manmō Svrado vyvng roqshú pè, Svrado gvba Raymond Sumlut Gam,
Myitkyina Svrado Gwørwang, vyvng roqshú pè Svrado John Mung Ngawn La Sam, Svrado Francis Daw Tang ( Narshì bø’ì )rì nvng tiqdø Jau Gwørwang vrvm yv’ngkèní Shvrúngshú rì, Mongkà Svra/ Me la, Zongmangcerì, angpè angmè, Chøm Vsvngrì, angri angrvp rì nvng shvngømré vsvngrì mvme dì nø shvring we taq lúm bø’ì.
Vní nøngdøp Mongkà cvnshì bø’ì nø dvdv’ng bø’à Zongmangcerì shvngbe (54) gø’ ínø, Lashio Svrado Gwørwang yv’ngkèní Zongmangcerì (6) gø’, Manmō Svrado Gwørwang yv’ngkèní Zongmangcerì (6) gø’, Myitkyina Svrado Gwørwang yv’ngkèní Zongmangcerì (42) gø’ íe.
2026 – 2028 nøng Paqzi cvnshì nøng dvpvt tuqdaq we May shvlá taqkèní vrá Mongkà Zong svng poqlvm dang St. Luka Catholic Zong øp pè, Fr. Dr. Bernard Dashi Tang Ji í vrīng nø shá dvzvr bø’ì we íe.
