Kachin, Wunpawng amyú kèní nvmbat 2 Shvrúngshú vya svng kámshì yv:ngì we Fr. Thomas Nawhkum Lawt Naw lvpat béyv:ngì 30 nøng gøm vjúrøt kùng
Kachin Wunpawng amyú kèní Bishop Paul Zinghtung Grawng mèpvng nvmbat 2 gø wagø Shvrúngshú vya kámshì yv:ngì pè Fr. Thomas Nawhkum Lawt Naw lvpat béyv:ngì we 30 nøng gøm vjúrøt kùng svng Bishop John Mungngawn La Sam taqkèní shøl nø 25.3.2026 ni Myitkyina St. Columban Cathedral taq wáshì bøì.
We vjúrøt Missa bóy svng Fr. Thomas Nawhkum Lawt Naw àngò àngrì àngyvng, Shvrúngshú rvmnvngrì, shvngømré vsvngrì taqkèní tubúm dvbangā nø mòngzøl dø wálún bøà.
Fr. Thomas Nawhkum Lawt Naw nø 1931 October 8 ni taq shøq yv:ngà nø 1966 March 19 ni taq Shvrúngshú vya svng kámshì bøì mèpvng shìgùng móng dvbùshvng bvnlì taq dvzaq shì ráì we tiqgø íyv:ngì.
1991 nøng vdòng Gvray bvnlì wawe 25 nøng gø Gvmsùng Jubilee svng kámshì lún bøà mèpvng 1996 nøng March 25 ni taq Uesu vdòng yupbyo yv:ngì we íe.
