The Gentiles and their Relation to the New Religian

Kang Yesu shini mvtuq we vzvng(700)nøng í dūng taq Romá myuq nø cvm we myuq tiq wàmà cē í ya:ngì. Kudø kudø té we wàmà í lú:ngì nø tiq móng nø tiq móng kaq svng dvng ké ònø lvng døm taq nø té vtvng we (အင်ပါယာကြီး) í lu:ng ì. Emperor Augustus wùr taq nø Romá Emperor nø (အတ္တလန်တိတ်) nvmmukdvra kè ní (အာရေဗျသဲကန္တာရ) høq (အဂ်လန်ရေလက်ကြား ) kè ní (ဆာဟာရသဲကန္တရ၊ အီသီယိုးပီယားတောင်တန်း)
høq Shaq (အီဂျစ်)gø vbá nø (အာဖရိကတိုက်မြောက်ပိုင်း)høq Shaq vbá e.

Emperor svng nø provinces rvgaq rì vwá:lo nø øp dvzvr ya:ngà. Dì lvm tvrà nvng vtok vtip lvm dang vha:ng mvn shì lú:ng ì. Tvrà rì svng gø shvlā mvdvm té wa shvlā dø tùng òe. BangLai mvdvm gø kukaq yakaq dí shvlā dø tì sangpó rì gø vle.We rvt nø wùlaq vhá:ng vlú:n lú:ngì.Svngpvn kà gø Greek kà tiq long wá lvng ya:ngà. Emperor taq vsvng rìò nøt mvsøn té wa ngvng lvm rvt cìl dap vlé.

Alexander the Greek nø Emperor Koqkvm í lú:ngì dvgvp Greek kà ,legā,Tóng laqyà , nímzì paqzí nvng shá nøt pàq zí rì svng angò cìldap gvbà kàyvng høq òni nø we zvng høq vshér ya:ng ì. Greek svngRoma rì í mvzvn kù da:ng ké ya:nga ni gø tóng laq ya kù nø jòr we vsvng rì í yà:ngì.