Yesu nvng Beelzabul
Vsvngrì taq màshvla we nvng shvla we vle. Kalong svng cvnlvm nvng kalong svng nø rvsangshì gún dvtøp shálvm Gvrayí nøngmaq gø’ vrvm mvdvmø vgomø’lcì matngàn svng zíshaq íe. Té nø nøngmaq svng tiqciq lvpat gønshaq jèjú gømpaq zíshú Gvray kaq vlø’mshì shálvm vchvk mvdøng íe. Ngà svng mvcv̀n gǿ nø Ngà kaq vtù gǿ íe; Ngà nvng màdvkømvm gǿ gø, dvkangshú íe (Luka 11:23).
Svrabín koqkámpè YohanPauluí shøn we nø Kàngpè Yesu mèpvng cvnlvm tiqpvn pvn svng gòldá:ngí cvnrà we írvt nøtløm nøtshò nø dvzaq dvkángshì rà we bvnlì íe, wae. Nøngmaq rvcángcèrì gø’ vrvm dvpvt kadang svng gòl da:ngí kadang svng nø rvcàngshì bø’shà shvdøng dvtøpshìlvm waì.
