“Dvrá svra tiq pèí Yesu vlø:tnò we”

Vpø’ íwe pèmè vnvmchvngmaq, Vsvng tiqmaq nø àngmaq í wàò lòng yv’ngkèní dvgùng láshì nø tiqdvng vsvng rì kaq angpvn pvn shøn we vlē. Kà shvbóng Kàru rì rø shìe. Shvmun shvjvng wáshìe. Mongkà dvrá rì cvnshì we vkvtdø í rì íē. Íni gø angmaqí wàò rì Døngman dang svng kadøwā shálúnshì e mà? wàni àngmaq tá:ngshì we shøn Kà rì yv’ngkèní Kàru rø vsvng i mà? mvrø vsvng i mà? walòng svng shálúnshìe. Angmaqò góng mvrshvm yv’ngkèní Shvmun shvjvng wáshì we taq shvrúng gø’ i mà? Mà shvrúng mà walòng svng shálúnshì pàdø, banchvk rì, Shiwvt yvklvm rì vhø’m v-du ra dvgvp gø Gvray gvsang Dvrá Mongkà rì taqkèní cvndvgøm yv’nglún gø’ í mà? mø-í mà? walòng svng vrá tiqkvt yv’nglúnshìe. Kà Vtv’nshì we wá mvra.

Vkvtdø Gvray gvsang kaq Døngman we shóngnøntní shóngshì e mà? walòng svng àng shvnvng vl vsvngrì kaq kadø íwe Shóngnønt, dvshá zā mvkok dvdí shóngnønt dvtánòe walòng svng shálúnshìe. Shvla we Samari tiqgø’ ínø dvshá mvhøt vhø’mò gø’ kaq rvweng we mà-vl Sher we Nønt mvsøn vjang laqya shóngnøntní tùbùm dvbvng nø shóngnønt vjø’ng lòng svng dvtán yangà. Nøngmaq gø Gvray gvsang nvng Tiqdvng vsvng rì kaq shóngshàìe walòng svng kadø íwe gømlā rì í dvtán lúnlvm i mà?

Vpø’ íwe pèmè vnvmchvngmaq Ta lúnì we móngkà ciq svng dvdvmì nø, angdè shvnvng yv’ngø dvshà mvhøt yvklvm, yór lvm angpvn pvn vhø’mò rì kaq svng mvré zā shóngnønt vjø’ng í tùbùm dvbvng shàì lòng nø Gvray gvsang nvng Tiqdvng vsvng kaq shóngshàì, Shóngnønt dvtáni lòng gø íe.