Catholic shvngømré mè ( Roman Catholic Church)

Catholic shvngømré svng Roman Catholic shvngømré wá nø vsvng mvmèí shøn nì we shá ìe. Mung gvn taq té vtang
shvngøm ré mè gø íe. Deni rvtø taq vsvng gōrø tiqsé vbi wvn rvzé vle. Svrabin Koq kvm (Pope)í shøl nø dvtú we lvng pvngø vl nø, Cardinal,svradō nvng shvrúngshú rìí øp shie. Vkangpè Yesu í shvngøt dvtú yangì we (Gospel) dvbù shvng mòngkà svng mvdøng gvl nø shvngøt dvtú e.

Catholic shvngøm ré nø Pvla cē kunga ,
Vm pa ku(Sacraments)Jejú dvrá rá rì svng tvle anø, dvshá hoq rì svng tubúm dvbvng
we bvnli rì svng nong gun kunga í dvzaq dvkáng shì nø dvnung shì e.Catholic shvngømré nø monggvn taq nvmlvt nvmpvng mvdò shvngømré tiqlòng gø ínø, Nvmløp móng vsvng pvn laqya mvshøl yvngø mvdøng vchyak we shvra yvngø vbáe.

Svrabin Koqkvm nø , Dvzvr Piterò vming vkvng vya long svng dvtut vtōò gø ínø, svradō (Bishop) rì nøVkangpè Yesuò coqcvn dvtáng taq vl rì nvng vbónge. Catholic shvrúng shú(Priest) walòng nø Svradōò shvrúngshú kù, øp lvm dvpvt Svradō rìò tvle dvnúng shì rì íe.

Svrabin Koqkvm nø , Catholic shvngømré ò shølshú vgō pè íe. Catholic shvngømré ò noqngøm lòng Vkangpè kàgvp vm we bóy(Eucharist) svng mvdøng angké gvlshìe.Missa dvrá noqngøm ìlong svng mvdøng angké gvlshìe. Missa dvrá noqngøm ìlòng svng (Mass) wá tø shìe.
Missa taqø lvng ìwe , Mvn shì we Vkang
Pè kàgvp Muk svng Catholic shvngøm ré tiq gø ínø, Tiløp(Sacramenttú) lún nø Mvra roq shi (Sacramentú) lúnò shvngøm ré gø íwaVkangpè Kàgvp Muk svng kam shì lvm vming Vkang vle, wá lòng svng tvtit tvle shá Dvzvr mvyønge, Shvngbe svng oqa.