Rvshúgv’ng nø shàqhur vhur lòng mvbvn rì dvpvt ci tiqpvn
Dèni lvngcha nvng sing we lvmvng tvyø taq bø’nbung sháò we zønli dvjvng rì yv’ngkèní lutshì lúnlvm tiqdong ce dvshvng nø Paqzi dvkøm mvyøngè.
Vpø’ íwe pèmè vnvmchvngmaq, Dèni taq nø;-
Rvshúgv’ng nø shàqhur vhur lòng mvbvn rì dvpvt ci tiqpvn dvtit tvle nø dvshvng lvm íe.
Vpø’ íwe pèmè vnvmchvngmaq e, Rvtø lvngcha vlíng vpo nø Angwa dø shàqhur vhur we, zā yv’ng zønli dvjvng yv’nggúng í shaqhur vhur we íni gø vkvtdø mashvla we Nønt mv-gør lvm rì í øpshì bøkvt mashvla lòng , Mvjò lòng svng angdvtvng tvng wá v-duè, dvdvm v-duè.
Vkvtdø í ra dvgvp dvdvm lvm rvtø rì gø lùshì lúnlvm rvt vchvk pàdø, yalòng Kàru ce taqkèní dvshat nø nònggùn zí mvyøngè.
Cì pvn taq lvnglvm (3) pvn vlē,
(1) shvlaq svmaqce
wà lvm dang…. (2) Kúng taq sházóngletbat vdòng vl jelly rì svng lù lvm, (3) Dānpyāshí tiqchang angtì zút ràe. Shvlaq svmaqce è zà:ngò. Vshøm pvn shvngbe vshú rvnø:ng nø è aqò. ( Poqke yoga vl rì dānpyāshí mà-vl ni ang tvle ( Lemon) danpyūshí svng lvng shvlàe, wàe.
Aqlvm dvtú we rvtø..
(1) Vsháng Vmpa vm dv’ngí tiqbaq aq ràe.
(2) Dørøm Vmpa vm dv’ngí tiqbaq aq shvlàe.
Vpø’ íwe pèmè vnvmchvngmaq, Covid rvt gø tiqmaq, Omicron dv’ngí shàqhur…. Vhur ngvmshì rì, yalòng Dvla taqkèní Tiqni taq (2) baq, (4)ni dv’ngte aq shì dvgvp ban nø vjú zí lúnè wàe. Wervt Ra vchvk rì, zø’m dvngì rì í lvng lúnlvm rvt .. Paqzi zi we móngkà taqkèní tiqdvtàng dvdit tvle nø nònggùn zø’ng mvyøngè.
Shvngbe i Shiqshan Gvray mongzøl lòng vtoshì laqlúnì, shvngbe svng oqā.
