FaTiMa MARIA(Our Lady of FaTiMa)
1917 nøng may(13)nī taq Potugi byene FaTiMa myoq yvngø (10)nøng mvlim íwe Lucia(9)nøng mvlim Francisco (7) nøng mvlim Jacinda maq vyvng roq dvgvp Amè Maria nø shøng tøng mvdàmø brim brim shór we rvmøt vdòngø dvtánshìe.Wùr vní pā mvzoq shì weí Rosary svng wùr yvngø dvchongò wesvng yvngòe.Marìa ínø we cvmré vshøm gø kaq Ngà nø muq lvng taqlvp kè ní dì daqì we svng shønàòe.Ā shvrà taq shvlá vrvm October (13) nī høq dī lvm dvkvmòe. Angmaq svng vjú røtkà tiq gøm gø cvnāòe.
Maria ínø cvmré vshøm gø kaq svmì móng dànò bvngkà gøtánàòe. Ang maq nø gvzà svrē a mì. Maria ínø cvmré(3)gø kaq Angdè nø muq lvng kè ní dì daqì dang shøn ò dvgvp Lucia ínø ang dèshì lúngì dvgvp muq lvng móngdān góng lúne ma? wā røtò dvgvp íè, wā vtvn shìe. Jacinda ígø røt ò dvgvp íe dì lvm íe, wā vtvn shìe. Francesco írøtnò dvgvp Rosary mvmē rø ràe, wā shøn nø dvkvm e.
Francesco nø we rvtø taq kè ní tiq nī Rosary(8) tut (9) tut rø yvngá. Maria dvtán shì shv rā taq Shvngøm ré rì nø tiqnī mepvng tiqni luq lúng ìnø September (13)nī taq nø vsvng gorø shvngbe (30000)dvngte mvngú shì yvngì. Octobershvlá(13) nī taq nø vsvng(700000)jvn dvkøm shì yvngì. Jacindá nø cvmré dvgvp (1920)January shvlá taq Gvray í ang lv Pvt vtang yvngà.
Francisco kaq nø(1919)nøng April shvlá taq gō lvm dvkvm yvngà. Luciá svng nø rvgaq mvdvmø tiq dvgvp vl dvzvrò nø angdè ò mvsøn nvrøm svng vpø shvring we vshér yvngà. Luciá nø Gamvlai zong svng gong nø Sister tiq mè wá shì yvngì. Maria ínø rvgaq tumtaq bøn būng lvm rì dang lvp ò nø vjú røt ā taq sór í vp tvle dvsvr yvngà. Yà mvbøn rì nø Maria dvtán shì yvng kè ní dvkvm we døng mān we mvbøn rí íe.
