(Synod) taq vdè Myanmar móngdàn kèní gvsa íwe Cardinal Chirles Bo, Bishop John Saw Yohan nvng Svramè Rosalia Cho Cho Tin maq Pope Francis nvng vhøm nø dvmvn we
Italy móngdàn Rome myuq taq yani la wáshì we Catholic Sasvna ò zùpùng mè (Synod) taq vdè Myanmar móngdàn kèní gvsa íwe Cardinal Chirles Bo, Bishop John Saw Yohan nvng Svramè Rosalia Cho Cho Tin maq Pope Francis nvng vhøm nø dvmvn we
17 October 2024
Mònggvn døng nvng singwe Catholic Sasvna zu:pùngmè (Synod) svng 2-27 October 2024 ni høq shaq wáshì lvm mvtú kèní mònggvn døng taq vlwe Catholic Sasvna ò Cardinal, Bishop rì nvng krønmvn gvsa rì muqhøm mvngu shì bøì nø shvngømré zu:pùngmè svng wápvngshì bøì we íe.
We lìpùngmè taq vdè Myanmar móngdàn kèní gvsa ku tuq bøì we Cardinal Chirles Bo, Bishop John Saw Yohan nvng Svramè Rosalia Cho Cho Tin maq nø 17 October 2024 ni taq Pope Francis nvng vhøm nø vdè Myanmar móngdàn Catholic Sasvna, shvngømré rìò kámnøt tvrà rì dang vhøm nø dvmvn lún bøì we svng shálún shìe.
Svrabín koqkvm Francis taqkèní gø Myanmar móngdàn vdòng bøn we mvjàn rì cvn cvn zømvm nø mòngzøl lvm dvpat vjúrøt dvbangā we nvng mònggvn svng gø shá dvzvr we, svngpvn dvsháza bvnlì rì taqkèní tubúm dvbangā lvm àngbiq boq røt nímā we gø íe.
17. 10. 2024.
#Synod
