

The Council of Nicaea
Svrado gvbá rì í wàò we kàrā lipòng nø shvngøm ré ò shvngøt dvtú kà svng roqgvl lv́m rvt íe.We mvdv̀mø shvngøm ré ò øp shø̀l we kaq svng té wa ngv̀ng lv́m rvt gø íe.móngwál vrv̀m taq kè ní sarādo gvbáà riò kàrā lipòng nvng tiq dø shø̀ng shang móng wál kení svrado rì shvngømré vrv̀m taq vl we svrado rì gø kà rā lipòng v́lā òe.
Nicaea Myuq taq wà òwe kàrā lipòng nø, General Council íe .We sarado gvbà rì kà rā lipòng taq angce pè Gvray nvng Vpè Gvray ò Jór nònggø̀n vmíng vkv́ng vbóng we kaq svng mvdøng dvtan ya:ngà. Wervt Missa vdòng shvringò we kv́m nøt kaq svng vchàng owe dang nø , Nicene Creed a:lo we.We kv́m nøt taq lòngza pè Gvray nø Gvray mvdøng íwe dang dvtá:nò we. Gvray yv́ng kení Gvray, gálòng kení gálòng, Gvray mvdøngkèní Gvraymvdøng í we írvt pv́n mv́n Shaq mø̀í shøq ya:ngà nø, Vpè Gvray nvng tiq nøt tiqmóng íe.Ang taq kení pv̀n vrv̀m nø wà ya:ngà, walòng íe.
We Council taq kení Arius nv̀ng ang mepvng cv̀n ri svng we móng kè ní lùng ya:ngà.Íni gø mepvng nø Arius kaq svng vtv́ng dvzv́r ya:ngà. Ang cún shi rvtø nvng mepvng mvzuq rì høq Shaq angò mvjò we (အယူဝါဒ)nø shvngøm ré kaq svng dvshá lú dvzv́r ya:ngà .Emperor koqkv́m tiq maq nø Arians rì kaq svng móng lvmàng dang kení shvring ya:ngà.
Timaq nø shvngøm ré taq svdì vl nø angmaq kaq svng lúnkáng rì svng shø̄ āò nø rvgaq wang taq kení gø lùng ya:ngà.angmaq nø lùng òwe vhømò nì gø angmaq ò (အယူဝါဒ )svng zv̄ndvtut dvkáng mànò we taq gvzà luq we Barbarians dvcì rì Arian svng tuq ya:ngì.



