Mv̄nggv̄ng tiqcé pè dvbā:nò we

Yesu nø Yerusalem svng di mvnv́m Samari rvgaq nvng Galili rvgaq dvrøtrøt léshìe. Mvrìng tiq mvrìng svng Ang gònglv́m wa ke, mv̄nggvng zā vsvng tiqcé gǿí Ang svng vhǿma:tnà. Angmaq nø vrúm yv́ngø rip nø, g shaqmèí vkiq sórí, “Vkàngpè Yesué, nøngmaq svng dvshá èzāshàé,” wae

Angmaq svng Yesuí yv̀ng bǿà kvt, “Shvrúngshúri svng èdìnøng nø namaq góng dètánshì v́mnø̀ng,” a:lòe. Angmaq wedø dí mvnshì ke mvnggv̄ng nø shèrá:mì.Angmaq taqkèní tiq gǿ nø, ang bāná:mì we svng yv́ngshì bǿì kvt bat vtv́ng ráì nø; shaqmèí vkiq nø Gvray dvgùng shvri:ngò sórí, Yesu hí shvnvngø kǿng kupshi nø oqà wae. Yapè nø Samari vsvng í dá:rì. Yesuí ang svng, “Ebanv́mshà we nø tiqcé pè mèínø̀ng ma? Ini wá dvgø̀ pè nà, kayv́ng íá:mì ma? Wv́ngzà yapè wa mø̀í nì, Gvray dvgùng shvringlv́m vtv́ng ráì vsvng dvgá màvl ma?” wae.

Wervtnø̀ Yesuí wepè svng, “Ebúng nø èlov̄m. Nà kv́mnø:tní nà svng dèban bǿì,”* a:lòe. Tiq kvt nø Farisirìí Gvray móngdàn nø kadvgvp tuq daqe má, wa røtna:tnà rvt Yesuí vtà:ngò nø, “Gvray móngdàn nø nēí yv́ngshì dø tuq daq we mø̀í. Vsàngí, ‘Eyv̀ngnøng, yayv́ng íe;’ mø̀ínī, Kulà, kuyv́ng íe; wa nø gø mvshø̀na:tnò. Pàwálv́m wani Gvray móngdàn nø namaq dvhø̀ taqni v̄le,” a:lòe.

Kristu vdòng taq Vpø’ íwe pèmè vnvmchvngmaq, Shvngbe svng pamvra wànge. Deni nø (Nov-11-26) ni labán vshømni svnh gòngráshà. Deni Gvrayí ziwe rvtø shvlá vdùng taqø dvdvm vjvng nø Pvlacè nvnggùn lūshìlvm Gvray mòngkà nø

Kàngpè Yesuí Mv̄nggv̄ng tiqcé pè taqkení tiqgø’ wa Yesu hí shvnvngø kǿng kupshi nø oqà wae. Oqà wawe nø laqya shvlá dvtvnshì we dang íe. Laqya shvla we nø shóngnøt terì gø íe. Oqà wáshà wenø Gvray nvng vsvng dvhø’, vsvng nvng vsvng dvhø’ shvla we vrvm vrálvm vtoqvtip we dang gø íe. Rvtø vrvm oqà wáshàrì ílvm dvpvt dvzaqshàì.