Vmvng we vyv̀ngcè kàshvbóng mvshøl

Shvngbe svng Pamvra. Dèni nø November shvlá (5)ni, lvban vbì ni svng gòng bø’shà.

Desháng vrá tiqkvt Pvlàcè nònggùn lùshì lvm Gvray móngkà nø Luka 15:1-10 vdòng taqkèní íē.Cúnshì we Gvray móngkà jømciq vzàng røshì lvm wàì.

Vmvng we vyv̀ngcè kàshvbóng mvshøl taqkèní íē.

“Namaq dvhø̀ø̄ vsvng tiq gǿ nø vyv̀ng tiqyá vdá we tiq go lādv́ng vmvngv̄m nìnø, wá dvgø̀cé dvgø̀ gō nø zømwàngø la:ngò dá:ngí, vmv́ngá:mì go svng lá lún høq mvláò we kagǿ v̄le ma? wā røtnòe.

Vpø’ íwe pèmè vnvmchvngmaq,
Vmvng á:mì we vyvngce tvrà nvng singdø Mongkà Svra rì taqkèní dvdvm vjáng we taq, àng mvtú (4) dang taqkèní dvtánòe. Nvmlat (1)taq, vyvngce nø tì kúpa taq mvshøng we shø’nriptøm svng shaqshaq wā yv’ngò nø dì we, (2) lvpat taq Vlømshì ra mvnggá màdá we, (3) Vyvngròqshúò Kà svng cvndvgøm lòng mà-vl we (4) Vyvngròqshú pè nvng muqhøm wáshì nønt mà-vl we ,..yadø íwe mvtú rì rvt vmv’ng sháòe. Wè pàdø, Nøngmaq lvpat taqgø hang vngvt angpvn pvn taqkèní dvshvng lú:ngò we Shvngkà rì svng gvzà íe lv’nì nø, wè rì mèpvng cvnì we, lvpat taq Døngman we mvnggá màdá vl we, Nønt tø’ng shaqré, angpè angmè shvngøt dvtú dvkv’m Kà rì svng tìmvlv’n we, Shvngømré kèní shvngøt dvtú we dvkv’m Kà Dvrárì svng cvndvgøm lòng mà-vl we, Døngku Angkang, Nønt tø’ng shaqré shaqtáng rì nvng V-toq V-tip we mà-vl we… vkvtdø í we dvja rì taqkèní taqgø Tvrà vmv’ng sháòe, Gvray nvng vcar sháìe.

Wervt, vpø’ íwe pèmè vnvmchvngmaq, Na Ngà nø shvla we vyvngce í shà mà?
Vyvng roqshú shvlá Vkangpè Yesuò Shvngømré wáng vdòng taq vl lúnè mà? Vmv’ng we vyvngce í shà mà? Dvdvm vjáng taqsórí gun dvtøp nø cúnshì laqlúnì, wvng dvshat nø nònggùn zí mvyøngè. Shvngbe svng Pamvra.