Nàmaqò tubúm dvbangā we svng jøng jøngni vtoshì lú:nìe

Pope Leo XIV nø àng Gemelli cìróng taq rūngnø cì lvjángshì we rvtø taq cì svra/won rìò tubúm dvbangā we nvng shvngømré vsvngrì ò vjúrøt dvbangā we àngdang dang svng oqà wakà dvmvn bøì we íe.

Vle bøìwe lvbán ni taq Pope Leo XIV taqkèní àng cì lvjángshì nø cìróng rūng we rvtø taq àngdang dang kèní dvbangshì bøshà we gø vrvm kaq svng oqà wakà vrìng bøà wegø íe.

Yadø íwe rvtø shagóng mvshiqshvn nø záyàng vhø:mòwe vsvngrì dvpvt gø téwa nøt mvsøn tvpní shì lún we dang vtàn bøà we íe.

20.10.2026 ni taq Pope Leo XIV nø cìróng kèní yøtshì ráì we nvng àng svng cì lvjáā shúrì nvng Catholic University of the Sacred Heart Professor nvng gø vhønø dvmvn we oqà wawe kàrì vtàn bøà mèpvng dvtut wárà we shvngømré bvnlì tvrà rì svng gø vtàn bøà we íe.

credit: Vatican News
https://www.vaticannews.va/en/pope/news/2026-10/pope-at-angelus-i-have-truly-felt-your-support.html