Shvngbe svng Pamvra.Desháng vrá nònggùn lùshì lvm Gvray móngkà nø Luke 12:1-7 vdòng taqkèní íē.
Vpø’ íwe pèmè vnvmchvngmaq, Mongkà vzàng røshì lvm wàì.
Nøt vní nøt vl rì svng vyáshì rà dang dvkv’mè.
Vsvng loksokrì nø vlv̄mkē høq, angkíng angmùn dvkǿmshì ráì dvgvp, shvngbe mv́rdv̀ngø Yesuí Ang coqcv́nrì svng a:lò we nø, “Farisirì butdvshi í we, nøt vní nøt cà:nò lòng kaq nàyáshìnøng.” a 2 Vwv̄mshaq rì màdvtàn lú:ngò we nø tiq pv̀n gø màvl long; vmáshaq rì mvsháshì long we tiq pv̀n gø màvl long. bc 3 Namaqí dø̄ vdòng mvyø̀n pvngø èshø̀nnøng kàrì kapà ínìgø, lànglànggá yv́ngø Vsàngí tá lú:ngòe. Dø̀nggaq rv́mø nàbø̄nshinøng rì nø chø̀m rvgùng kèní dvshv̄nglv́m í longe. 4 Jàmaqá, Ngàí v̄la:tnìni, “Shāgóng svng sha:tnò dá:ngí, vrá pàgø wá mvlú:nò rì svng mèsèrenøngni. 5 Namaq svrēshi rà we nø kagǿ mv̀ng í we Ngàí dvshatna:tnìni. Sha:tnò dá:ngí zùpvng svmi móng svng gurlv́m vmíng vkv́ng v̄l pè svng mv̀ng sèrenøng. Namaq svng Ngàí jø̀ngjǿng v̄la:tnìni, Ang svng nø jø̀ngjǿng svre ràe, wàe.
Vpø’ íwe vnvmchvngmaq, tálúnì we móngkà taq Vsvng dvgárì í nònggùn zì rvt lvpat taq vwawa dø cúnshì nø mà-vl lvm dvkv’mè.
Dø̄ vdòng mvyø̀n pvngø èshø̀nnøng kàrì kapà ínìgø, lànglànggá yv́ngø Vsàngrì í tá lú:ngò dø chø̀m rvgùng kèní dvshv̄ng we vhø’mlvm vl lòngè wā shvdømè.
Wervt, vpø’ íwe pèmè vnvmchvngmaq Angwa tōdø tiqmvnøceí lvpat taq byō we íni gø, yvk we íni gø cúnshì ràe. Vrá nø Rvgaq í Dvrá Kà rvt lòng svng mèsèrenøngnì. Nà nø Gvrayí vyv’ngshaq gø’, vshú:ngshaq gø’, nvng Angò shóngnønt svng vtoshìshaq gø’ èíe, wā shvngøt dètú íe. Vrá nø, Namaq vgo taq yō we vgoni rì shvngbe í gø, namaq svng èkùp ègar daqnøngè. Vsvngrì kaq svrē lv’m tvle nø, Gvray kaq mvng na lømshìnøng, mèsèrenøngnì. Svre lvm lòng svng Gvray kaq lømshì we Kvmnøntní le tēlèshìnøng, wā Vkangpè Yesu Kristu í vkvtdø Døngman we Kvmnønt tvrà taq tiqlvpat cúnshì lúnlvm dèkv’mìe. Pvlàcè kvmnønt nònggùn kūnga èzí íe. Wè dø tiqdvchá Cúnshàì we lvpat taq rvtø vrvm Gvray kaq vlømshàì taqsórí Cúnshì nø Pvlàcè kvmnønt nònggùn kūnga lùshì laqlúnì wvng dvshat nø nònggùn zí mvyø’è, shvngbe svng Pamvra.
