Dvtánshì dø tiqdvchá, Svrabyín Koqkvm Leo (14) í gvzà màlé dvgvp shø’n bø’à we mvtú rì svng Cardinal Charles Bo í vrá dvdvm vjáng yvngò mvtú rì
Svrabyín Koqkvm ínø lvknvk nònggùn rvm lvm mvdvm Vsvngrìo dvgùng, muqhøm vrashì lòng, kønmvng gvsa nvng mongzøl shø’mcaq lvm lòng svng mvdøng shø’n bø’ì nø, cìl mvzv’n mvzv’ngrì nvng būm lvknvkrì mvdvmø mvmè Nønt dvshà dang dvtàn bø’à we íē.
Dvtánshì dø tiqdvchá, Svrabyín Koqkvm Leo (14) í gvzà màlé dvgvp shø’n bø’à we mvtú rì svng Cardinal Charles Bo í vrá dvdvm vjáng yvngò mvtú rì
Svrabyín Koqkvm ínø lvknvk nònggùn rvm lvm mvdvm Vsvngrìo dvgùng, muqhøm vrashì lòng, kønmvng gvsa nvng mongzøl shø’mcaq lvm lòng svng mvdøng shø’n bø’ì nø, cìl mvzv’n mvzv’ngrì nvng būm lvknvkrì mvdvmø mvmè Nønt dvshà dang dvtàn bø’à we íē.
Svrabyín Koqkvm Leo 14 ò Mongzøl lòng nvng sing we móngkà svng Cardinal Bo í dak dvdvm we mvtú, Svrabyín Koqkvm Leo shø’n Kà rì svng nøngmaqí gvzà vpø’ shvring íe. Pawalvm wàni Kà yarì nø dèni Mònggvn dvpvt wa mø-í, Myanmar móngdàn dvpvt gø gvzàni rvnaq we àng lvjøm vl rvt íe. Shànshér we Vpè Gvray ínø nøngmaq svng dvkv’mè Mongzøl lòng wàwe nø lvknvkrì téwa luqlùngí vrvng mvlúnshì walòng íe.
Nònggùn dvtàn nø lv’ngshì we, shvre dvkut we nvng tiqdvng vsvngrì mvdvmø àngde Nønt í lòng svng mvdøng mvdaq mvsatshì lòng í banchvk svng pvrvnà lúnlvm mø-í. Cìl mvjv’n lòng ínø tiqlvngce wā mongzøl dvzvr we íni gø, Vzànglvp yvnggúng Døngman dø mongzøl lòng svng nø vrvngà mvlúnshì. Svrabyín Koqkvm í gø Mongzøl lòng nø V-toq V-tip vrashì lòng, rīn vrá vlún vkvng lòng nvng vsvng tiqgø’ò dvgùng svng vpø’ shvring shì lòngí le, nī vrvm vrvngshì ra we bvnlì íe, wā dvkv’m nø shø’n bø’ì.
