Gvrayí dvgø̀ò we àng dvlàrì nø nøngmaqí dvda:mì we zìdang kèní téwa vhánge

Pope Leo XIV taqkèní dvtú we mòngkà taq Gvrayí dvgø̀ò we àng dvlàrì nø nøngmaqí dvda:mì we zìdang kèní téwa vhánge wawe dang kèní dvshvt mòngkà dvtú bǿà we íe.

“Mvrà vshuq íshàwe bashà vsvngrì nøngmaqò dvdam nøt síngrv́l nøt rì kèní téwa Gvray àngò dvgǿshì we dvlàrì nø téwa vháng we dang svng shvdǿm we íe”.

Gvray àngò dvsháza shóngnøt wawe nø vsvng tiqmaq dvpvt wa mǿí walòng svng bìm kùlwàng taq bv̀nlì wawe lvngzang rìò kà shvbóng kèní dvtú nø shvdǿm bǿà we íe.

Shóngnøt wawe nøt, dvsháza nøt rì téwa gwaq long dvgvp nøngmaq shvngbe nø dvbù nøt nvng zitnøt rì tewa vtoshì lúnì we dang dvtú we íe.

Bashàrì vdòng taq tasvng rvwìng nøt rì, dvgoq nøt rì svng dvshér shàì nø Gvray àngò bìm kùlwàng svng àngnvng tiqdø dìì we ìnìnø àngò ishøt jejúrì vtoshì lúnlv́m wa ílongwe dang dvkám we íe.