Tasvng shóngnøt vzøm we nø vshuq døng kèní lutshì lúnwe tvrà íe

Pope Leo XIV taqkèní tasvng shóngnøt vzøm we nø Yesu Kristu ò dvkám kà íwe dang shvdøm mòngkà vrìng bøà we íe.

“Tiqdv́ng vsvng nvng kadøwa vzǿmrà we
8 Vshòngkelv́m lòng wa mø̀í nìnø, kagǿ svng ínìgø kapv̀n shvrv́n gø mènàjø̄ni. Pàwálv́m wa nìnø vsvng kaq shóngshì lòng nø, dvrá svng kø̀m dvgø:mò we íe. e 9 Kadø íe wani nà nø, “Vsvng mèdèchapni; vsvng mèshvtni; mèkø̄ni; shaq mèkaqni,” wa kà mvdv̀mø dvkv́mkà dvgá kapà vl nìgø, “Nà vdè góng svng èshóngshì dø nà tiqdv́ng vsvng kaq shóngshì ràe,” wa kà taqwa kø̀mgøm vbá we íe.” (Roma 13:8-9) we mòngkà tut kèní dvtú mòngkà vrìng bøà we íe.

Mòngkà taq tasvng mvrà vchutā kelvm nvng shóngnøtí vzøm lvm tvrà dvng shvdøm wegø íe.

Pope Leo XIV taqkèní nøngmaq tiq gø nvng tiq gø nø shóngnøt dvtvng kelvm shvrán vjøì e wanø dvtú we íe.

Shóngnøt wawe taq 2 tvrà vlwe dang we 2 dang nø 1. tiqgø nvng tiqgø tvrà shøl we tvrà dvtangā kewe, tubúm dvbangā kelvm tvrà ínø 2. àngnvm àngchvngrì ò shóngnøtí mvkok dvdí nø gvlshì nø vzøm lvm tvrà íwe dang Pope Leo XIV taqkèní dvkám bøà we íe.

Svrabín koqkvnpèí dvtut dvkám we taq køqzølrà, rvyù rvyónglvm tvrà rì, dvbùpvm tvrà rì shvngbe gø tiqgø nvng tiqgø dvtit tvleā kelvm, dvsháza tubúm dvbangā kelvm rà vchvk we dang dvkám we íe.

Bashà vsvngrì dvhø tiqgø nvng tiqgø nø we shóngnøt kèní vzøm nø Gvray kaqgø vjúrøt dvbangā kelvm shvngbe taq shvrán vjøìe wanø dvkám bøà we íe.