Kristuò Wur Gáng bóy angni
Kristu vdòng taq Vpø’ íwe pèmè vnvmchvngmaq, Shvngbe svng pamvra wànge. Deni nø (Sep-14-26) ni
lvbán tiq yaq svng gòngráshà. Deni nø Jòrnámì Kristuò Wur Gáng bóy angni íe.
Kristuò Wur Gáng nø rvcángcérìò vmat letkvnà íe. Katolik rvcángcérì vrvm Wur Gáng mvsat shàì nø rvcángcérì íwe svng dvtvnshàì. Kàng Yesu nø wur gáng taq shi nø rvgaq vsvngrì svng chut chángā bø’shà. Wervt wur gáng nø dvshà mvhøtlvng serelvm shvraqshìlvm mví. Wur Gáng nø ngòrdvgòng lúnlvm mvngle íbø’ì. Rvgaq mvgūng móngø Moshií vbø̀ hàng yà:ngà dø tiqdvchá, Vsvng Angcè pè gø wedøni hà:ngò we vhǿm ràe. (Yohan 3:14)
Dvzvr poloí wurgang taq vtaq yà:ngà pè Kristu mv̀ng dvshā:ngìe. Ang nø Yuda vsvngrì dvpvt nøt vtøprà íāò nø, wv́ngzà rì dvpvt nø dál we lè íāá:mà. Wedø ínìgø vgoshaq rì angmaq dvpvt nø, Yuda vsvngrì ínìgø, wv́ngzà rì ínìgø, Kristu nø Gvray Ang jórnònggùn nvng Gvray Ang shánøt zitnøt ni íāòe wanø (1 Korintu 2:23-24) taq wae.
Ang nø vsvng góng mv̀rshv̀m taq dvtánshì daqì kvt, Ang cipshì nø, shì yv́ng høq kà tá bǿì; jø̀ngjǿng, wurgang taq shì yv́ng høq ni kà tá bǿì. Wervt Ang svng nø Gvrayí gø vtvngshaq vháng dø shvrì:ngò nø, bø̀ng í dv́ngte mvdv̀mø gùngshv̀ng rīng vtv̄ng bø̀ng zíòe (Pilipi 2:8-10) taq wae. Nøngmaq nø mvrà dāng vshíshaq íshà nø, døngmān dāng cúnshì lúnlv́m dvpvt, A:ngí wurgang taq nøngmaq mvrà èría bǿshà. Ang dv̄mmá taqkèní namaq nø dvban èlún bǿshà we íe. (1 Piter 2:24)
Kàngpè Yesu nø wur gáng taq shi nø nøngmaq shvngbe dvpvt mvrà vl vsvngrì svng chut chángā bø’à. Wervt nøngmaq shvngbe gø tāsvng tāle mvrà roqālvm nvng tāsvng tāle shóngnøt dvtvnshìlvm nøngmaq lvpat taq nøt vlømrà wáshìlvm shvdúm dvshvt we íe.
